ரணிலின் சிங்கபூர் சிகிச்சை விவகாரம்! CID மீது ஜி. எல்.பீரிஸ் குற்றச்சாட்டு
முன்னாள் ஜனாதிபதி ரணில் விக்ரமசிங்கவுக்கு சிகிச்சை அளித்த நாட்டின் புகழ்பெற்ற நிபுணர்கள் குற்றப் புலனாய்வுத் துறைக்கு (CID) முன் அழைக்கப்பட்டபோது முன்னர் நிகழ்ந்த பழிவாங்கல் மீண்டும் நிகழக்கூடாது என்ற அவரது விருப்பமின்மையே, தமது அறுவை சிகிச்சைக்காக வெளிநாடு சென்றதற்கான முக்கிய காரணம் என முன்னாள் அமைச்சர் பேராசிரியர் ஜி. எல். பீரிஸ் தெரிவித்துள்ளார்.
கொழும்பு, மால் வீதியில் அமைந்துள்ள அரசியல் அலுவலகத்தில் நேற்று(22.04.2026) நடைபெற்ற ஊடக மாநாட்டில் கலந்துகொண்டபோது பீரிஸ் இவ்வாறு தெரிவித்துள்ளார்.
இதன்போது இலங்கையில் உயர் திறன் வாய்ந்த மருத்துவர்களும், மேம்பட்ட மருத்துவமனை வசதிகளும் உள்ளன என்றும், பிற ஆசிய நாடுகளிலிருந்தும் நோயாளிகள் சிகிச்சைக்காக நாட்டிற்கு வரும் சூழலில், முன்னாள் ஜனாதிபதியின் சிங்கப்பூர் பயணம் குறித்து சமூகத்தில் ஒரு குறிப்பிட்ட அளவு விவாதம் நடந்து வருகிறது என்றும் அவர் சுட்டிக்காட்டியுள்ளார்.
ரணில் விக்ரமசிங்க
இதற்கான காரணத்தை விளக்கிய பேராசிரியர்,
“ரணில் விக்ரமசிங்க தீவிர சிகிச்சைப் பிரிவில் சிகிச்சை பெற்று வந்தபோது, அவரது உடல்நிலை குறித்து முன்னர் மருத்துவச் சான்றிதழ்களை வழங்கிய ஏழு உயர்மட்ட சிறப்பு மருத்துவர்கள் குற்றப் புலனாய்வுத் துறைக்கு (CID) வரவழைக்கப்பட்டு குற்றம் சாட்டப்பட்டனர் .
எந்தவொரு அரசியல் நடவடிக்கைகளிலும் ஈடுபடாமல், தங்களது தொழில்முறைப் பொறுப்புகளை மட்டுமே நிறைவேற்றி வந்த அந்த மருத்துவர்கள் எதிர்கொண்ட சிரமங்களையும் தொழில்முறைத் தடைகளையும் மீண்டும் உருவாக்கக் கூடாது என்ற நோக்கத்தில்தான் ரணில் விக்ரமசிங்க இந்த முடிவை எடுத்துள்ளார்.
நீதித்துறை மீது தனக்கு முழு மரியாதை இருப்பதால் இது தொடர்பாக எந்த அறிக்கையையும் வெளியிடப் போவதில்லை.
சட்டத்தை நடைமுறைப்படுத்துவதில் சட்டமா அதிபர் முற்றிலும் சுதந்திரமான அதிகாரியாகச் செயல்பட வேண்டும்.
ஒரு குற்றவியல் வழக்கைத் தாக்கல் செய்வது என்பது சாதாரணமாக எடுத்துக்கொள்ளக்கூடிய விஷயமல்ல. அதற்குப் போதுமான ஆதாரம் உள்ளதா என்பதைத் தீர்மானிக்கும் முழு அதிகாரம் தலைமை சட்டமா அதிபருக்கு மட்டுமே உள்ளது. அதில் எந்தவிதமான அரசியல் அல்லது பிற செல்வாக்கும் செலுத்தப்படக்கூடாது.
அத்தகைய செல்வாக்கு செலுத்தப்படுவதாகப் பொதுமக்களிடையே ஏற்படும் மிகச் சிறிய சந்தேகம்கூட ஒட்டுமொத்த நீதித்துறை அமைப்புக்கும் மிகவும் பாதகமாக அமையும்” என்றார்.
| செய்திகளை உடனுக்குடன் தெரிந்து கொள்ள IBC தமிழ் WHATSAPP இல் இணைந்து கொள்ளுங்கள்...! |
வேலணை மேற்கு, யாழ்ப்பாணம், கொட்டடி, யாழ்ப்பாணம், Tooting, United Kingdom, Eastham, United Kingdom
24 Apr, 2024
