அரச அதிகாரிகள் மீது ரவி கருணாநாயக்க முன்வைத்துள்ள குற்றச்சாட்டு

Ravi Karunanayake Government Employee Sri Lanka Government Of Sri Lanka

By Sathangani Jan 26, 2024 09:02 AM GMT

Sathangani

in அரசியல்

Report

நாட்டின் அதிபர் மற்றும் தலைமை அமைச்சரவை எடுக்கும் முடிவுகள் அரச அதிகாரிகளால் செயற்படுத்தப்படாது, நாட்டை நெருக்கடிக்குள் தள்ளி, மக்களை அசௌகரியங்களுக்கும் உள்ளாக்குவதன் மூலம் அவர்களின் பயங்கரவாதம் வெளிப்படுகிறது என கொழும்பு மாவட்ட ஐக்கிய தேசியக் கட்சியின் உறுப்பினர் ரவி கருணாநாயக்க குற்றம் சுமத்தியுள்ளார்.

பெரும்பான்மையான அரச அதிகாரிகள் சம்பளம், கொடுப்பனவுகள் மற்றும் வசதிகளுடன் வேலை செய்வதில்லை என கொழும்பில் ஊடகங்களுக்கு அவர் மேலும் தெரிவித்துள்ளார்.

இது தொடர்பில் தொடர்ந்தும் அவர் தெரிவிக்கையில்

வரி செலுத்துதல்

“இந்த நாட்டில் 17 இலட்சம் அரச அதிகாரிகள் உள்ளனர். ஒரு நாட்டிற்கு இவ்வளவு பெரிய பொதுச்சேவை தேவையா? இந்த அரசாங்க அதிகாரிகளின் சம்பளம், கொடுப்பனவுகள், சலுகைகள் மற்றும் வசதிகளுக்காக இந்த நாட்டில் உள்ள ஒவ்வொருவரும் பெரும் தொகையை வரி செலுத்த வேண்டும்.

அரச அதிகாரிகள் மீது ரவி கருணாநாயக்க முன்வைத்துள்ள குற்றச்சாட்டு | Ravi Karunanayake Allegations Against Gov Officers

கண்டிப்பாக பொதுப்பணித்துறையில் பணிபுரிகிறார்கள். உண்மைதான்..! ஆனால் பெரும்பான்மையானவர்கள் அந்த சம்பளம், கொடுப்பனவுகள், சலுகைகள் மற்றும் வசதிகளை பெற்றுக்கொண்டு எந்த வேலையும் செய்யாமல் சும்மா உள்ளனர்.

ரணில் விக்ரமசிங்கவின் தீர்மானம்

அரசு அதிகாரிகளுக்கு பொறுப்பு இருக்கிறது. ஆனால் அந்த பொறுப்புகளை நிறைவேற்றுகிறார்களா..? உதாரணமாக, மூளைச்சாவுகளை நிறுத்த அதிபர் ரணில் விக்ரமசிங்கவின் தலைமை அமைச்சரவை, வைத்தியர்கள் மற்றும் பல்கலைக்கழக சமூகத்தினரின் சம்பளம் மற்றும் கொடுப்பனவுகளை அதிகரிப்பதற்கு மிகவும் தூரநோக்குடன் கூடிய தீர்மானத்தை எடுத்தது.

ஆனால் அந்த முடிவை நடைமுறைப்படுத்தாமல் அரசு அதிகாரிகள் இழுத்தடித்து வருகின்றனர். என்ன தந்திரம் இது? உண்மையில், அரசு அதிகாரிகளின் இந்த தன்னிச்சையான நடவடிக்கை நாட்டுக்கும் மக்களுக்கும் முன்பாக அம்பலப்படுத்தப்பட வேண்டும்.

நாட்டின் அதிபர், தலைமை அமைச்சரவையின் முடிவை எடுக்கும்போது, அதற்கு எதிராகவோ அல்லது அதற்கு மேல் அல்லது அந்த முடிவைப் பொருட்படுத்தாமல் அரசாங்க அதிகாரிகள் செயல்பட முடியுமா? இந்த நிலையில் இருந்து அரச அதிகாரிகளின் பயங்கரவாதம் தெளிவாகத் தெரிகிறது” அவர் மேலும் தெரிவித்துள்ளமை குறிப்பிடத்தக்கது.