இஸ்ரேல் செல்லவுள்ள இலங்கையர்களுக்கு முக்கிய அறிவிப்பு
இஸ்ரேலிலிருந்து (Israel) இலங்கை வந்த இலங்கையர்கள் மீண்டும் இஸ்ரேலுக்குச் செல்லுவதற்கான தங்களது வீசாவை நீட்டிக்க தேவையான சில முக்கிய நடைமுறைகள் குறித்து அறிவிக்கப்பட்டுள்ளது.
இது குறித்த அறிவிப்பை இஸ்ரேலுக்கான இலங்கைத் தூதுவர் நிமல் பண்டார (Nimal Bandara) வெளியிட்டுள்ளார்.
இது தொடர்பில் அவர் வெளியிட்டுள்ள அறிக்கையில், “ஈரான் மற்றும் இஸ்ரேல் போரானது ஆரம்பித்த தினத்திலிருந்து இரண்டு மாதங்களுக்கு வீசா நீட்டிக்க PIBA நிறுவனத்துக்கு எழுத்து மூலம் விண்ணப்பிக்க வேண்டும்.
இலங்கைப் பிரஜைகள்
இலங்கைப் பிரஜைகள் மட்டுமின்றி பிற நாட்டினரும் இந்த வாய்ப்பைப் பயன்படுத்த முடியும் எனினும், இந்த செயல்முறை நிறைவேற சில நாட்கள் பிடிக்கலாம்.
மீள் வருகை வீசா காலம் முடிந்திருப்பினும், மீண்டும் இஸ்ரேலுக்குச் செல்ல விருப்பமுள்ளவர்கள், எகிப்தின் கெய்ரோ விமான நிலையம் வழியாக வந்து, அங்கிருந்து எலாட் (Eilat) நகரம் வரை தனியார் பேருந்து வசதியுடன் செல்ல முடியும்.
தற்காலிக வீசா
இது குழுவாக ஒருங்கிணைந்த பயணமாக இருக்க வேண்டும்.
இது தொடர்பாக தூதரகம், ஈஜிப்துக்கான தற்காலிக வீசா மற்றும் பேருந்து ஏற்பாடுகளில் உதவி செய்யும்.
அத்துடன், பயணிக்க விரும்பும் அனைவரும் தங்களது பெயர், கமவுச்சீட்டு எண் மற்றும் தொலைபேசி எண்ணை தூதரகத்திடம் சமர்ப்பிக்க வேண்டும்.
நிகழ்தகவு செலவுகள்
குழுவுடன் பயணிக்க முடியாதவர்கள் தாங்களே ஈஜிப்து வீசா பெற்றுக்கொண்டு, கைரோவிலிருந்து எலாட் வரை பொதுப்போக்குவரத்து அல்லது தனிப்பட்ட ஏற்பாடுகள் மூலம் பயணிக்க வேண்டும்.
வீசா, விமான பயணச்செலவு மற்றும் மற்ற நிகழ்தகவு செலவுகள் அனைத்தையும் பயணிகள் தாங்களே ஏற்கவேண்டும்.
தூதரகத்தின் பங்கானது வசதிகளை ஒருங்கிணைத்தல் மற்றும் தொடர்புகளை ஏற்படுத்துதலிலேயே இருக்கும்” என தெரிவிக்கப்பட்டுள்ளது.
செய்திகளை உடனுக்குடன் தெரிந்து கொள்ள IBC தமிழ் WHATSAPP இல் இணைந்து கொள்ளுங்கள்...! |
புங்குடுதீவு 1ம் வட்டாரம், புங்குடுதீவு, India, Lausanne, Switzerland
09 Aug, 2025
வேலணை 1ம் வட்டாரம், மண்கும்பான் மேற்கு, Liestal, Switzerland
10 Aug, 2025
