ருமேஷ் தரங்காவின் சாதனைக்கு கிடைத்த அங்கீகாரம்: அபிவிருத்தியடையும் பிரதேசம்

Sri Lanka Government Rumesh Tharanga

By Pavi Oct 14, 2026 10:13 AM GMT

Pavi

in அரசியல்

Report

இலங்கை ஈட்டி எறிதல் சம்பியன் ருமேஷ் தரங்காவின் வீட்டுக்குச் செல்லும் வீதியை, சுமார் 8 மில்லியன் ரூபா செலவில் அபிவிருத்தி செய்ய மில்லனிய பிரதேச சபை திட்டமிட்டுள்ளது.

கடந்த செவ்வாய்க்கிழமை (13.10.2026) நடைபெற்ற பிரதேச சபையின் மாதாந்தக் கூட்டத்தின்போது, அதன் தவிசாளர் இதனை அறிவித்துள்ளார்.

கூட்டத்தின்போது, விளையாட்டு வீரரின் சாதனைகளை அங்கீகரிக்கும் வகையில் குறித்த வீதிக்கு “ஈட்டி எறிதல் சம்பியன் ருமேஷ் தரங்கா” எனப் பெயரிடுவதற்கான முன்மொழிவை உறுப்பினர் கயான் சம்பத் முன்வைத்துள்ளார்.

போக்குவரத்து வசதிகள்

இதற்கிடையில், முன்னாள் பிரதேச சபைத் தவிசாளர் சஞ்சீவ குலதிலக, குறித்த வீதியை உயர்தரத்தில் தார் கம்பளம் இட்டு அபிவிருத்தி செய்ய வேண்டும் எனக் கோரிக்கை விடுத்துள்ளார்.

ருமேஷ் தரங்காவின் சாதனைக்கு கிடைத்த அங்கீகாரம்: அபிவிருத்தியடையும் பிரதேசம் | Road Rumesh Tharanga S Residence To Be Developed

வீதியை கொங்கிரீட் இடுவதற்கான முன்மொழிவுக்கு சபை உறுப்பினர்களும் எதிர்ப்புத் தெரிவித்ததுடன், அதற்குப் பதிலாக தார் கம்பளம் இட்டு வீதியை அபிவிருத்தி செய்யுமாறு கோரியுள்ளனர்.

இந்த அபிவிருத்தித் திட்டம் நடைமுறைப்படுத்தப்பட்டால், வீரர் ருமேஷ் தரங்காவின் வீட்டுக்கான போக்குவரத்து வசதிகள் மேம்படும் என எதிர்பார்க்கப்படுகிறது.