பாடசாலை மாணவர்களை இலக்கு வைத்து போதை மாத்திரைகள் விற்பனை - இருவர் கைது

Sri Lanka Police Investigation Narcotics Control Unit Arrest

By Pavi Oct 08, 2026 05:30 AM GMT

Pavi

in சமூகம்

Report

பாடசாலை மாணவர்கள் மற்றும் சிறுவர்களை இலக்கு வைத்து சட்டவிரோதமாக கஞ்சா கலந்த போதை மாத்திரைகளை விற்பனை செய்ததாகக் கூறப்படும் இருவர் களுத்துறை பிரிவு போதைப்பொருள் தடுப்புப் பிரிவினரால் கைது செய்யப்பட்டுள்ளனர்.

களுத்துறை பிரிவு குற்றப் புலனாய்வுப் பிரிவுக்குக் கிடைத்த தகவலின் அடிப்படையில், நேற்று (07.10.2026) மாலை தொடங்கொட, துடுகல சந்தி பகுதியில் இந்த சுற்றிவளைப்பு மேற்கொள்ளப்பட்டுள்ளது.

கைது செய்யப்பட்டவர்கள் 21 மற்றும் 22 வயதுடைய பெலியத்த மற்றும் செவனகல பகுதிகளைச் சேர்ந்தவர்கள் என தெரிவிக்கப்பட்டுள்ளது.

ஆரம்பகட்ட விசாரணை

குறித்த பகுதியில் கடையொன்றை நடத்துவது போன்று, உரிய அனுமதிப்பத்திரம் இன்றி கஞ்சா கலந்த போதை மாத்திரைகள் விற்பனை செய்யப்படுவதாகக் கிடைத்த தகவலின் அடிப்படையில் காவல்துறையினர் சோதனை நடத்தியுள்ளனர்.

பாடசாலை மாணவர்களை இலக்கு வைத்து போதை மாத்திரைகள் விற்பனை - இருவர் கைது | Sale Of Narcotic Pills Targeting School Students

இதன்போது கடையிலும் அதற்கு அருகிலுள்ள தற்காலிக விற்பனை நிலையமொன்றிலும் இருந்து சுமார் 700 கஞ்சா கலந்த போதை மாத்திரைகள் காவல்துறையினரால் கைப்பற்றப்பட்டுள்ளன.

இவர்கள் உரிய அனுமதியின்றி குறித்த போதை மாத்திரைகளை பாடசாலை மாணவர்கள் உள்ளிட்ட சிறுவர்களுக்கு விற்பனை செய்துள்ளதாக ஆரம்பகட்ட விசாரணைகளில் தெரியவந்துள்ளது.

கைது செய்யப்பட்ட சந்தேகநபர்கள் இருவரையும் களுத்துறை நீதவான் நீதிமன்றத்தில் முன்னிலைப்படுத்த நடவடிக்கை எடுக்கப்பட்டுள்ளது.