சம்பந்தனின் மறைவுக்கு சர்வதேச நாடுகளின் தலைவர்கள் இரங்கல்

தமிழ்த் தேசியக் கூட்டமைப்பின் தலைவரும் இலங்கை தமிழரசுக் கட்சியின் பெரும் தலைவருமான இரா.சம்பந்தனின் மறைவு குறித்து சர்வதேச நாடுகளின் தலைவர்களும் இரங்கல் வெளியிட்டுள்ளனர்.

 ஜுலி சங்

இலங்கையில் சமாதானமான சமூகத்தை கட்டியெழுப்புவதை முதன்மையாக கொண்டு மறைந்த தமிழ்த் தேசியக் கூட்டமைப்பின் தலைவரும் இலங்கை தமிழசுக் கட்சியின் பெரும் தலைவருமான இரா.சம்பந்தன் அரசியலில் ஈடுபட்டதாக சிறிலங்காவுக்கான அமெரிக்க தூதுவர் ஜுலி சங் தெரிவித்துள்ளார்.

சிறுபான்மையினருக்கான சம உரிமை தொடர்பான அவரின் கருத்துக்கள், இலங்கையிலுள்ள மக்களின் மனித உரிமைகள் தொடர்பான பரந்த புரிந்துணர்வை ஏற்படுத்தியதாக அவர் தனது உத்தியோகப்பூர்வ எக்ஸ் தளத்தில் குறிப்பிட்டுள்ளார்.

அத்துடன், சம்பந்தனின் அரசியல் நடவடிக்கைகள் ஒற்றுமையை வலியுறுத்தும் வகையில் அமைந்திருந்ததாக அவர் சுட்டிக்காட்டியுள்ளார். இந்த நிலையில், அவரது குடும்பத்தினர், உறவினர்கள் மற்றும் அன்புக்குரியவர்களுக்கு அமெரிக்கா சார்பில் தான் இரங்கல் தெரிவித்துக் கொள்வதாக ஜுலி சங் மேலும் குறிப்பிட்டுள்ளார்.

Deeply saddened to hear of the passing of MP R. Sampanthan, a veteran Tamil politician who worked to create a cohesive, peaceful society within Sri Lanka. His advocacy for equal rights for minorities helped advance broader human rights for all Sri Lankan citizens, and encouraged…

— Ambassador Julie Chung (@USAmbSL) July 1, 2024

சம்பந்தனின் வெற்றிடத்துக்கு புதிய நாடாளுமன்ற உறுப்பினர்: வெளியான அறிவிப்பு

மார்க் அன்றூ பிரேன்ச்

இரா.சம்பந்தனின் மறைவு காரணமாக இலங்கை பாரியதொரு இழப்பை சந்தித்துள்ளதாக ஐக்கிய நாடுகளின் இலங்கைக்கான வதிவிட ஒருங்கிணைப்பாளர் மார்க் அன்றூ பிரேன்ச் தெரிவித்துள்ளார்.

தமிழ் மக்களின் சம உரிமைக்காக தொடர்ந்தும் குரல் கொடுத்து வந்த சம்பந்தன், அபிவிருத்தி மற்றும் முன்னேற்றத்தை வலியுறுத்தி அரசியல் ஈடுபட்டதாக அவர் வெளியிட்டுள்ள இரங்கல் செய்தியில் குறிப்பிட்டுள்ளார்.

The passing of veteran politician @R_Sampanthan is a great loss for Sri Lanka For six decades, he championed equal rights for Tamils, striving to resolve legacy issues to push country towards development and progress. I extend my condolences to his family. @TNAOff @ParliamentLK pic.twitter.com/8fKJmTU9Gr

— Marc-André Franche (@MAFrancheUN) July 1, 2024

அன்ட்ரூ பற்றிக்

இதேவேளை, தமிழ் மக்களுக்காக கடந்த காலங்களில் தொடர்ந்தும் குரல் கொடுத்து வந்த சம்பந்தனின் அர்ப்பணிப்பு மற்றும் சேவை எப்போதும் நினைவில் இருக்குமென சிறிலங்காவுக்கான பிரித்தானியாவின் உயர்ஸ்தானிகர் அன்ட்ரூ பற்றிக் வெளியிட்டுள்ள இரங்கல் செய்தியில் கூறியுள்ளார். 

Deeply saddened by the passing of MP Sampanthan, former Leader of the Opposition and @TNAmediaoffice. His longstanding commitment to advocating for equal rights and representation for Tamils will be long remembered. I extend my condolences to his family and friends.

— Andrew Patrick (@AndrewPtkFCDO) July 1, 2024

காலஞ்சென்ற சம்பந்தனுக்கு நாமலின் இரங்கல் செய்தி

 பிரித்தானியா உயர்ஸ்தானிகர் அலுவலகம்

அத்துடன், தமிழத் தேசிய கூட்டமைப்பின் தலைவரின் மறைவு குறித்து மிகுந்த கவலையடைவதாக இலங்கையில் உள்ள பிரித்தானியா உயர்ஸ்தானிகர் அலுவலகம் தெரிவித்துள்ளது.

பிரித்தானியாவுடன் அவர் நீண்ட காலமாக கொண்டிருந்த உறவையும் இலங்கையில் தமிழர்களுக்கான கண்ணியம், நீதி மற்றும் பிரதிநிதித்துவத்தை வலியுறுத்தியதையும் இத்தருணத்தில் நினைவு கூருவதாகவும் அந்த அலுவலகம் வெளியிட்டுள்ள இரங்கல் செய்தியில் குறிப்பிட்டுள்ளது.

We are saddened by the passing of MP Sampanthan, a voice for the aspirations of so many. We remember his friendship with the UK over the years & reflect on his commitment to the pursuit of dignity, justice & representation for Tamils in Sri Lanka.

— UK in Sri Lanka 🇬🇧🇱🇰 (@UKinSriLanka) July 1, 2024

உலக தமிழர் பேரவை

 மேலும், இலங்கையில் உள்ள தமிழர்களின் உரிமைகளுக்காக இரா. சம்பந்தன் நீண்ட காலமாக போரடியதாகவும் தமிழ் அரசியலில் அவர் முக்கிய உறுப்பினராக திகழ்ந்ததாகவும் உலக தமிழர் பேரவை வெளியிட்டுள்ள இரங்கல் செய்தியில் தெரிவித்துள்ளது.

இலங்கையில் மாத்திரமின்றி முழு உலகில் உள்ள அரசியல் தரப்பினரால் மதிக்கப்படும் ஒரு தலைவராக சம்பந்தன் திகழ்ந்ததாகவும் அவரது இழப்பால் வாடும் குடும்பத்தினருக்கு இரங்கல் தெரிவித்துக் கொள்வதாகவும் அந்த பேரவை அதன் உத்தியோகப்பூர்வ எக்ஸ் தளத்தில் குறிப்பிட்டுள்ளது.   

GTF mourns the loss of Rajavarothiam Sampanthan MP. He had life long involvement in fighting for Tamil rights & played a crucial leadership role in Tamil politics. A highly respected leader in SL among all communities & world wide. Our heartfelt condolences to his family. pic.twitter.com/N7tf3ufUXz

— Global Tamil Forum (@GTFonline) July 1, 2024