சவூதியின் விமான நிலையம் - எண்ணெய் ஆலை மீது கடுமையான தாக்குதல்! மீண்டும் கொந்தளிப்பில் மத்திய கிழக்கு
ஈரானின் ஆதரவு பெற்ற ஏமன் ஹவுதி கிளர்ச்சியாளர்கள், சவூதி அரேபியாவின் தெற்கு நகரமான நஜ்ரானில் உள்ள ஒரு விமான நிலையம் மற்றும் அரசுக்குச் சொந்தமான அராம்கோ எண்ணெய் நிறுவனத்திற்குச் சொந்தமான ஒரு வளாகம் மீது தாக்குதல் நடத்தியுள்ளனர்.
யேமன் எல்லைக்கு அருகில் அமைந்துள்ள இந்த இலக்குகளுக்கு எதிராக, ஆளில்லா விமானங்கள் (ட்ரோன்கள்) பயன்படுத்தி இரண்டு இராணுவத் தாக்குதல்கள் நடத்தப்பட்டதை ஹவுதி இராணுவ செய்தித் தொடர்பாளர் ஒருவர் உறுதிப்படுத்தியுள்ளார்.
நஜ்ரான் விமான நிலையத்தில் உள்ள ஒரு முக்கியப் பகுதியும், அராம்கோ எண்ணெய் ஆலையுமே இந்தத் தாக்குதல்களின் முக்கிய இலக்குகளாக இருந்தன என்று அவர் மேலும் கூறியுள்ளார்.
ஹவுதி கிளர்ச்சியாளர்களின் தாக்குதல்
தொடர் தாக்குதல்கள் தொடங்கப்படுவதற்கு முன்பு, ஹவுதி கிளர்ச்சியாளர்களின் தாக்குதல்களை முறியடிக்க இயலாது என ஈரானின் புரட்சிகர பாதுகாப்புப் படை சவூதி அரேபியாவை எச்சரித்திருந்தது.
ஒரு தசாப்தத்திற்கும் மேலாக உள்நாட்டுப் போரால் பாதிக்கப்பட்டு வரும் ஏமனில், 2022-ல் எட்டப்பட்ட போர் நிறுத்தம் கடந்த ஜூலை மாதம் முறிந்ததை அடுத்து, பிராந்திய அமைதியின்மை மீண்டும் வெடித்தது.
ஹவுதி கிளர்ச்சியாளர்கள், சவூதி ஆதரவு யேமன் அரசாங்கத்திற்கு எதிரான தங்கள் தாக்குதல்களைத் தீவிரப்படுத்தியதோடு, சவூதி அரேபியா மீது கடல்வழி முற்றுகையை விதிப்பதற்கான நடவடிக்கைகளையும் எடுத்துள்ளனர்.
இதற்கிடையில், உலகின் முக்கிய கப்பல் போக்குவரத்துப் பாதைகளில் ஒன்றான பாப் அல்-மண்டாப் ஜலசந்திக்கு அருகிலுள்ள பகுதிகளை ஹவுதி கிளர்ச்சியாளர்கள் கைப்பற்றத் திட்டமிட்டுள்ளதாக யேமன் அரசாங்க அமைச்சர் ஒருவர் தெரிவித்துள்ளார்.
சவூதி கப்பல்கள்
கிளர்ச்சியாளர்கள் தற்போது தங்கள் கட்டுப்பாட்டில் உள்ள பகுதிகளிலிருந்து தெற்கு நோக்கி விரிவடைய முயற்சிப்பதாகவும், இது சர்வதேச கப்பல் போக்குவரத்திற்கு கடுமையான அச்சுறுத்தலை ஏற்படுத்துவதாகவும் இராணுவ வட்டாரங்கள் தெரிவிக்கின்றன.
கடந்த மாதம் யேமனின் தலைநகரான சனாவில் ஈரானிய விமானம் ஒன்று தரையிறங்கியபோது, இரு தரப்பினருக்கும் இடையிலான சண்டை மீண்டும் தீவிரமடைந்தது.
அன்று முதல், ஹவுதி கிளர்ச்சியாளர்கள் சவூதி கப்பல்கள், விமான நிலையங்கள் மற்றும் எண்ணெய் சுத்திகரிப்பு நிலையங்களைக் குறிவைத்துத் தாக்குதல்களைத் தொடர்ந்து நடத்தி வருகின்றனர்.
| செய்திகளை உடனுக்குடன் தெரிந்து கொள்ள IBC தமிழ் WHATSAPP CHANNEL இல் இணைந்து கொள்ளுங்கள்...! |
புங்குடுதீவு 10ம் வட்டாரம், புங்குடுதீவு 3ம் வட்டாரம், Ajax, Canada
03 Sep, 2025
நெடுந்தீவு கிழக்கு, பெரியதம்பனை, முதலியார்குளம், திருநாவற்குளம்
18 Aug, 2026
Columbuthurai, கொழும்பு, ஸ்கந்தபுரம், London, United Kingdom
09 Aug, 2026
இளவாலை இலங்கை ,லண்டன், United Kingdom, அவுஸ்திரேலியா, Australia
23 Aug, 2016
மானிப்பாய், சுண்டிக்குளி, Toronto, Canada, New Jersey, United States
17 Aug, 2026
நெடுந்தீவு மேற்கு, யோகபுரம், Paris, France, Tergnier, France, Chelmsford, United Kingdom
16 Aug, 2026
கரம்பொன் கிழக்கு, கரம்பொன் தெற்கு, கொழும்பு 15
19 Aug, 2021
உசன், முரசுமோட்டை, Urumpirai, பிரித்தானியா, United Kingdom
15 Aug, 2026