மரண தண்டனையை இரத்து செய்ய அழுத்தம் ...! அனோஜன் மீது நடந்த தாக்குதல்: சிறைக்கு விரையும் தூதுவர்

Anura Kumara Dissanayaka Sri Lankan Peoples Death Penalty

By Thulsi Oct 08, 2026 05:13 AM GMT

Thulsi

in சமூகம்

Report

சவுதி அரேபியாவினால் மரண தண்டனை விதிக்கப்பட்டுள்ள சிவராசா அனோஜன் குறித்து கண்டறிவதற்காக சவுதி அரேபியாவுக்கான இலங்கைத் தூதுவர் அவர் தடுத்து வைக்கப்பட்டுள்ள சிறைச்சாலைக்குச் செல்லவுள்ளார்.

சிறைச்சாலையில் தடுத்து வைக்கப்பட்டிருந்த போது, அனோஜன் மீது மற்றொரு கைதி தாக்குதல் நடத்தி காயப்படுத்தியமை தொடர்பில் கண்டறிவதற்காகவே தூதுவர் தம்மாம் (Dammam) இன்று (08) சிறைச்சாலைக்குச் செல்லவுள்ளதாக தகவல்கள் தெரிவிக்கின்றன.

இந்நிலையில், சிவராசா அனோஜனுக்கு விதிக்கப்பட்டுள்ள மரண தண்டனையை உடனடியாக இரத்து செய்ய வேண்டும் என சர்வதேச மன்னிப்புச் சபை (Amnesty International) அமைப்பு தெரிவித்துள்ளது.

சர்வதேச மன்னிப்புச் சபை

குறித்த குற்றச்சாட்டானது முற்றாக கருத்துச் சுதந்திரத்தின் அடிப்படையில் மட்டுமே அமைந்துள்ளது என்பதால், அவரை உடனடியாகவும் நிபந்தனையின்றியும் விடுதலை செய்ய வேண்டும் என சுட்டிக்காட்டியுள்ளது.

மரண தண்டனையை இரத்து செய்ய அழுத்தம் ...! அனோஜன் மீது நடந்த தாக்குதல்: சிறைக்கு விரையும் தூதுவர் | Saudi Arabia Death Sentence Against Sri Lankan Boy

சர்ச்சைக்குரிய கருத்தொன்றை தனது சமூக ஊடகக் கணக்கில் பதிவிட்டார் என்ற குற்றச்சாட்டின் பேரில் கைது செய்யப்பட்ட சிவராசா அனோஜனுக்கு, சவுதி அரேபிய மேன்முறையீட்டு நீதிமன்றம் மரண தண்டனை விதித்து தீர்ப்பளித்தது.

வெறுமனே தமது கருத்துக்களை வெளிப்படுத்தியதற்காக எவரையும் சிறையிலடைக்கவோ அல்லது மரண தண்டனை போன்ற தண்டனைகளுக்கு உட்படுத்தவோ கூடாது என சர்வதேச மன்னிப்புச் சபை சுட்டிக்காட்டியுள்ளது.