கத்தியால் வெட்டி தாக்கப்பட்ட ஆசிரியர்: வெளியான பகீர் காரணம்
பாடசாலை ஆசிரியை ஒருவரை கத்தியால் வெட்டி காயப்படுத்திய குற்றச்சாட்டின் பேரில் மற்றுமொரு பாடசாலை ஆசிரியை கைது செய்யப்பட்டுள்ளார்.
குறித்த கைது நடவடிக்கையானது, இன்று(19) இடம்பெற்றுள்ளது.
இந்நிலையில், தாக்குதலுக்குள்ளான ஆசிரியர் பதுளை போதனா வைத்தியசாலையில் அனுமதிக்கப்பட்டுள்ளதாகவும், அவரது கால் மற்றும் கைகளில் வெட்டுக்காயங்கள் ஏற்பட்டுள்ளதாகவும் வைத்தியசாலை வட்டாரங்கள் தெரிவிக்கின்றன.
மேலதிக விசாரணை
ஆசிரியர்கள் இருவரும் இரு வேறு பாடசாலைகளில் பணியாற்றும் நண்பர்கள் எனவும், இருவருக்கும் இடையில் ஏற்பட்ட முரண்பாடு காரணமாக சந்தேகநபர் நேற்று (18) நள்ளிரவு மற்றைய ஆசிரியையின் வீட்டுக்குச் சென்று இந்த தாக்குதலை நடத்தியுள்ளார்.
அதேவேளை, கைது செய்யப்பட்ட 45 வயதுடைய சந்தேகநபரான ஆசிரியரிடம் கத்தி ஒன்றும் காணப்பட்டதாக காவல்துறையினர் தெரிவித்துள்ளனர்.
அத்தோடு, இந்த சம்பவத்திற்கு காதல் விவகாரமே காரணம் எனவும் விசாரணைகளில் தெரியவந்துள்ளது.
இந்நிலையில், பதுளைப் பிரிவு சிரேஷ்ட காவல்துறை அத்தியட்சகர் வசந்த மற்றும் தலைமையக பிரதான காவல்துறை பரிசோதகர் டி.எம்.ரத்நாயக்க ஆகியோரின் பணிப்புரையின் பேரில் குற்றப் புலனாய்வுப் பிரிவினர் மேலதிக விசாரணைகளை மேற்கொண்டு வருகின்றனர்.
செய்திகளை உடனுக்குடன் தெரிந்து கொள்ள IBC தமிழ் WHATSAPP CHANNEL இல் இணைந்து கொள்ளுங்கள்...! |
