பாடசாலை தவணை ஆரம்பம் குறித்து கல்வி அமைச்சின் புதிய அறிவிப்பு
அரச மற்றும் அரச அங்கிகாரம் பெற்ற தனியார் பாடசாலைகளின் புதிய தவணை ஆரம்பம் குறித்த அறிவிப்பினை கல்வி அமைச்சு அறிவித்துள்ளது.
அதன்படி, பாடசாலைகளில் 2023 ஆம் ஆண்டுக்கான மூன்றாம் தவணையின் இரண்டாம் கட்டம் அடுத்த மாதம் ஆரம்பமாகும் என கல்வி அமைச்சு தெரித்துள்ளது.
அதன்பிரகாரம், அரச பாடசாலைகள் மற்றும் அரச அங்கிகாரம் பெற்ற தனியார் (தமிழ் மற்றும் சிங்களம்) பாடசாலைகள் எதிர்வரும் பெப்ரவரி மாதம் 1 ஆம் திகதி ஆரம்பிக்கப்படும் என அறிவிக்கப்பட்டுள்ளது.
முதலாம் தவணைக்குரிய கல்வி நடவடிக்கை
அதனைத் தொடர்ந்து 2024 ஆம் ஆண்டுக்கான முதலாம் தவணைக்குரிய கல்வி நடவடிக்கைகள் எதிர்வரும் பெப்ரவரி மாதம் 19ஆம் திகதி ஆரம்பிக்கப்படவுள்ளதாகவும் கூறப்படுகிறது.
இதில், முஸ்லீம் பாடசாலைகளுக்கான மூன்றாம் தவணையின் இரண்டாம் கட்டம் எதிர்வரும் 11 ஆம் திகதி ஆரம்பமாகவுள்ளதாகவும் கல்வி அமைச்சு தெரித்துள்ளது.
உயர்தரப் பரீட்சை ஆரம்பமாகவுள்ளது
அரச பாடசாலைகள் மற்றும் அரசினால் அங்கீகரிக்கப்பட்ட தனியார் பாடசாலைகளில் 2023 ஆம் ஆண்டுக்கான மூன்றாம் தவணைக்கான விடுமுறை சென்ற மாதம் (22) ஆம் திகதி வழங்கப்பட்டிருந்தது.
இவற்றுக்கிடையே நாளை (04) க.பொ.த உயர்தரப் பரீட்சை ஆரம்பமாகவுள்ளது.
இந்தப் பரீட்சைகள் நாளை முதல் எதிர்வரும் 31 ஆம் திகதி வரை நடைபெறவுள்ளமை குறிப்பிடத்தக்கது.
செய்திகளை உடனுக்குடன் தெரிந்து கொள்ள IBC தமிழ் WHATSAPP CHANNEL இல் இணைந்து கொள்ளுங்கள்...! |
மல்லாகம், யாழ்ப்பாணம், கொழும்புத்துறை, சுண்டுக்குழி, Brampton, Canada
12 Sep, 2026
