ரணில் வீட்டிற்கு தீ வைத்த சந்தேக நபர் பிணையில் விடுதலை

புதிய இணைப்பு

போராட்டத்தின் போது ரணில் விக்ரமசிங்கவின் வீட்டை தீ வைத்ததாக சந்தேகத்தின் பேரில் கைது செய்யப்பட்டு நீதிமன்றில் முற்படுத்தப்பட்ட ஆங்கில ஆசிரியரை விடுதலை செய்யுமாறு கோட்டை நீதவான் திலான கமகே இன்று (06) உத்தரவிட்டுள்ளார்.

அதன்போது, சந்தேக நபரை 5 இலட்சம் ரூபா சரீரப் பிணையில் விடுவிக்க நீதவான் உத்தரவிட்டுள்ளார்.

முதலாம் இணைப்பு

அதிபர் ரணில் விக்ரமசிங்கவின் வீட்டிற்கு தீ வைத்த சம்பவம் தொடர்பில் கைது செய்யப்பட்டவரை இன்றைய தினம் நீதிமன்றில் முன்னிலைப்படுத்தபடவுள்ளதாக காவல்துறையினர் தெரிவித்துள்ளனர்.

முன்னாள் அதிபர் கோட்டாபய ராஜபக்சவிற்கு எதிராக கொழும்பில் இடம்பெற்ற(2022.07.09) அரகலிய போராட்டத்தின் போது தற்போதைய அதிபர் ரணில் விக்ரமசிங்கவின் வீட்டிற்கு தீ வைக்கப்பட்டது.

குறித்த விடயம் தொடர்பில், விசாரணைகள் இடம்பெற்று வந்த நிலையில் சந்தேகநபர் ஒருவரை குற்றப் புலனாய்வு திணைக்கள அதிகாரிகள் நேற்று(5) கைது செய்தனர்.

76 கோடி ரூபா மோசடி : மாலைதீவில் கைது செய்யப்பட்ட இலங்கை வர்த்தகர்

நீதிமன்றில் முன்னிலை

பொரலஸ்கமுவ பகுதியைச் சேர்ந்த 46 வயதுடைய சந்தேக நபரே இவ்வாறு கைது செய்யப்பட்டுள்ளார்.

ஆரம்பகட்ட விசாரணைகளில் குறித்த நபர், வீடுகளுக்கு சென்று ஆங்கில மொழி பயிற்சி வகுப்புகளை நடத்தும் ஆசிரியர் என விசாரணையில் தெரியவந்துள்ளது.

இந்நிலையில், இன்றைய தினம்(6) கோட்டை நீதவான் நீதிமன்றில் முன்னிலைப்படுத்தப்படவுள்ளமை குறிப்பிடத்தக்கது.

சிறிலங்காவின் சுதந்திரநாள் தமிழர்களின் கரிநாள்

இந்திய விரோத கொள்கையால் திணறும் மாலைதீவு அதிபர்