மத்திய வங்கியில் மாயமான பணம் குறித்து வெளியாகியுள்ள தகவல்!
மத்திய வங்கியிலிருந்து காணாமல் போன 50 இலட்சம் ரூபா தொடர்பில் விசாரணைகள் ஆரம்பிக்கப்பட்டுள்ளதாக நிதி இராஜாங்க அமைச்சர் ஷெஹான் சேமசிங்க தெரிவித்துள்ளார்.
இந்த நிகழ்வு தொடர்பாக நாடாளுமன்ற உறுப்பினர் நிரோஷன் பெரேரா நாடாளுமன்றில் இன்று (28) எழுப்பிய கேள்விக்கு கருத்துரைக்கும் போதே அவர் இந்த விடயத்தினைத் தெரியப்படுத்தியிடுந்தார்.
விசாரணைகள் ஆரம்பிக்கப்பட்டுள்ளன
இது தொடர்பாக அவர் மேலும் கருத்துத் தெரிவிக்கையில்,
"மத்திய வங்கியினால் உள்ளக விசாரணைகள் ஆரம்பிக்கப்பட்டுள்ளதுடன், காவல்துறை மற்றும் குற்றப் புலனாய்வுத் திணைக்களமும் விசாரணைகளை முன்னெடுத்து வருகின்றது.
இந்த சம்பவம் தொடர்பாக தெளிவான விளக்கமொன்றை உரிய விசாரணைகளின் ஊடாகப் பெற்று, அதற்குக் காரணமான தரப்பினரை விரைவில் வெளிப்படுத்த தீர்மானிக்கப்பட்டுள்ளது.
இதனால் தற்போது இது தொடர்பான விசாரணைகளை ஆரம்பிப்பதற்கு மத்திய வங்கியின் ஆளுநர் காவல்துறை மா அதிபருடன் கலந்துரையாடியுள்ளார்,
இது குறித்த விரிவான விசாரணைகள் நிறைவடைந்தவுடன் சம்பவம் தொடர்பான அனைத்து தகவல்களையும் அறிவிக்க முடியும்." என இராஜாங்க அமைச்சர் தெரிவித்தார்.
![](https://cdn.ibcstack.com/bucket/63039cb22bd37.webp)