இந்தியாவின் நடிகை இலங்கை செல்வதற்கு மும்பை உயர் நீதிமன்றம் அனுமதி மறுப்பு

Sri Lanka India Mumbai Shilpa Shetty

By Sumithiran Oct 08, 2025 07:48 PM GMT

Sumithiran

in சினிமா

Report

இந்தியாவின் நடிகை ஷில்பா ஷெட்டி(shilpa shetty) இலங்கைக்கு பயணம் செய்ய மும்பை உயர்நீதிமன்றம் இன்று (08)புதன்கிழமை அனுமதி மறுத்துள்ளது, மேலும் இந்த விவகாரம் பரிசீலிக்கப்படுவதற்கு முன்பு அவர் முதலில் ரூ.60 கோடி மோசடி குற்றச்சாட்டை செலுத்த வேண்டும் என்றும் நீதிமன்றம் தெரிவித்துள்ளது.

ஷெட்டி மற்றும் அவரது கணவர் ராஜ் குந்த்ரா மீது பொருளாதார குற்றப்பிரிவு (EOW) பிறப்பித்த லுக்அவுட் சுற்றறிக்கை (LOC) நடைமுறையில் உள்ளது என்று நீதிமன்றம் குறிப்பிட்டது. இதன் காரணமாக, நீதிமன்றத்தின் அல்லது விசாரணை அமைப்பின் அனுமதியின்றி அவர்கள் வெளிநாடு செல்ல முடியாது.

ரூபா 60 கோடியை செலுத்தவேண்டும்

ஒக்டோபர் 25 முதல் 29 வரை கொழும்பில் நடைபெறும் யூடியூப் நிகழ்வில் நடிகை கலந்து கொள்ள வேண்டும் என்று ஷெட்டியின் வழக்கறிஞர் நீதிமன்றத்தில் தெரிவித்தார். நீதிமன்றம் அழைப்பைக் கேட்டபோது, அவர்கள் தொலைபேசியில் மட்டுமே பேசியதாகவும், பயண அனுமதி வழங்கப்பட்ட பின்னரே முறையான அழைப்பைப் பெறுவார்கள் என்றும் வழக்கறிஞர் கூறினார்.

இந்தியாவின் நடிகை இலங்கை செல்வதற்கு மும்பை உயர் நீதிமன்றம் அனுமதி மறுப்பு | Shilpa Shetty To Travel To Sri Lanka Issue

இருப்பினும், நீதிமன்றம் கோரிக்கையை நிராகரித்து, பயண அனுமதி பெறுவதற்கு முன்பு தம்பதியினர் முதலில் ரூ.60 கோடி மோசடி குற்றச்சாட்டுகளுக்குரிய தொகையை செலுத்த வேண்டும் என்று கூறியது. இந்த வழக்கின் அடுத்த விசாரணை ஒக்டோபர் 14 ஆம் தேதிக்கு திட்டமிடப்பட்டுள்ளது.

தாய்லாந்து செல்லவும் அனுமதி மறுப்பு

கடந்த வாரமும், ஷெட்டி மற்றும் குந்த்ரா ஆகியோர் குடும்ப விடுமுறைக்காக தாய்லாந்தின் ஃபூகெட்டுக்குச் செல்ல மும்பை உயர் நீதிமன்றம் அனுமதி மறுத்துவிட்டது, ஏனெனில் அவர்கள் மீது கடுமையான வழக்குகள் உள்ளன.

தற்போது செயல்படாத தங்கள் நிறுவனத்தில் ரூ.60 கோடி முதலீடு செய்ய தன்னை வற்புறுத்தியதாகவும், ஆனால் அந்தப் பணத்தை தனிப்பட்ட செலவுகளுக்குப் பயன்படுத்தியதாகவும் கூறி தொழிலதிபர் தீபக் கோத்தாரி இந்த ஜோடி மீது குற்றச்சாட்டுகளை முன்வைத்துள்ளார்.