நிறைவேற்று அதிகார அதிபர் முறைமையை இரத்துச் செய்வது சாத்தியமற்றது : பிரதீபா மஹாநாம சுட்டிக்காட்டு
இந்த வருடம் இலங்கையின் அதிபர் தேர்தல் மற்றும் பொதுத்தேர்தல் நடைபெறவுள்ள நிலையில் நிறைவேற்று அதிகாரம் கொண்ட அதிபர் முறைமை பிரதான விடயமாக காணப்படுகின்றது என இலங்கை மனித உரிமைகள் ஆணைக்குழுவின் முன்னாள் தலைவர் பிரதீபா மஹாநாம தெரிவித்தார்.
இதேவேளை அரசியலமைப்பின் பிரதான அம்சமாக காணப்படும் இந்த முறைமையை இரத்துச் செய்ய வேண்டுமாயின் நாடாளுமன்றத்தில் மூன்றில் இரண்டு பெரும்பான்மை ஆதரவுடன், மக்கள் வாக்கெடுப்புக்கும் செல்ல வேண்டும் அவர் மேலும் குறிப்பிட்டார்.
கொழும்பில் நேற்று (13) இடம்பெற்ற ஊடகவியலாளர் சந்திப்பின் போதே மேற்கண்டவாறு குறிப்பிட்டார். இது தொடர்பில் அவர் மேலும் தெரிவித்ததாவது,
அதிபர் தேர்தல் மற்றும் பொதுத்தேர்தல்
“நிறைவேற்று அதிகாரம் கொண்ட அதிபர் முறைமையை இரத்து செய்வது தற்போதைய பிரதான பேசுபொருளாக காணப்படுகிறது. 2024 ஆம் ஆண்டு அதிபர் தேர்தல் மற்றும் பொதுத்தேர்தல் நடத்தப்படும் என்று குறிப்பிடப்படுகிறது.
1978ஆம் ஆண்டு உருவாக்கப்பட்ட இரண்டாம் குடியரசு அரசியலமைப்பில் 'நிறைவேற்று அதிகாரம் கொண்ட அதிபர் முறைமை' பிரதான அம்சமாக காணப்படுகிறது.
ஆகவே அரசியலமைப்பின் பிரதான அம்சமாக காணப்படும் நிறைவேற்று அதிகாரம் கொண்ட அதிபர் முறைமையை இரத்துச் செய்ய வேண்டுமாயின் நாடாளுமன்றத்தில் மூன்றில் இரண்டு பெரும்பான்மை ஆதரவுடன், மக்கள் வாக்கெடுப்புக்கும் செல்ல வேண்டும்.
சந்திரிக்கா பண்டாரநாயக்க
1994 ஆம் ஆண்டுக்கு பின்னர் ஆட்சிக்கு வந்த அரச தலைவர்கள் நிறைவேற்று அதிகாரம் கொண்ட அதிபர் முறைமையை இரத்துச் செய்வதாக மக்களுக்கு வாக்குறுதி வழங்கினார்கள். ஆனால் வழங்கப்பட்ட வாக்குறுதிகள் நிறைவேற்றப்படவில்லை.
முன்னாள் அதிபர் சந்திரிக்கா பண்டாரநாயக்க குமாரதுங்க நிறைவேற்று அதிகாரம் கொண்ட அதிபர் முறைமையை இரத்து செய்வதற்கு இரண்டு முறை நாடாளுமன்றத்தின் ஊடாக நடவடிக்கைகளை முன்னெடுத்தார். ஆனால் அந்த முயற்சிகள் வெற்றிபெறவில்லை.
ஜனநாயகத்தை முன்னிலைப்படுத்தி செயற்படும் பெரும்பாலான நாடுகளில் நிறைவேற்று அதிகாரமுடைய அதிபர் முறைமை தற்போது நடைமுறையில் இல்லை.
அமைச்சரவை தலைமையில்
நாடாளுமன்றத்தை முன்னிலைப்படுத்திய அமைச்சரவை தலைமையிலான அரசாங்கங்கள் தான் தற்போது செயற்பாட்டில் உள்ளது, ஆகவே நிறைவேற்று அதிகாரம் கொண்ட அதிபர் முறைமையை இரத்து செய்வது சிறந்தது.
தற்போதைய நாடாளுமன்றத்தின் மக்களாணை கேள்விக்குள்ளாக்கப்பட்டுள்ளது. ஆகவே மூன்றில் இரண்டு பெரும்பான்மை சாத்தியமற்றது. ஆகவே தற்போதைய நிலையில் நிறைவேற்று அதிகாரம் கொண்ட அதிபர் முறைமையை இரத்து செய்வது சாத்தியமற்றது“ என தெரவித்தார்.
செய்திகளை உடனுக்குடன் தெரிந்து கொள்ள IBC தமிழ் WHATSAPP CHANNEL இல் இணைந்து கொள்ளுங்கள்...! |
வேலணை மேற்கு 8ம் வட்டாரம், Jaffna, வேலணை மேற்கு 8ம் வட்டாரம், Northolt, United Kingdom
28 Oct, 2025
புங்குடுதீவு 2ம் வட்டாரம், வட்டகச்சி, பேர்ண், Switzerland, பரிஸ், France
11 Nov, 2024
கரம்பன் மேற்கு, கரம்பன், கொழும்பு, சுவிஸ், Switzerland, கொழும்பு சொய்சாபுரம்
01 Nov, 2023
புங்குடுதீவு 7ம் வட்டாரம், இராமநாதபுரம், Villetaneuse, France
27 Oct, 2025
புங்குடுதீவு 2ம் வட்டாரம், புங்குடுதீவு 12ம் வட்டாரம், Markham, Canada
17 Oct, 2024