வெளிநாட்டுப் பல்கலைக்கழக ஆட்சேர்ப்பு மோசடி! குற்றப்புலனாய்வு திணைக்களம் விடுத்துள்ள எச்சரிக்கை
வெளிநாட்டுப் பல்கலைக்கழகங்களில் அனுமதி பெற்றுத் தருவதாகக் கூறி சமூக ஊடகங்களில் வெளியிடப்படும் மோசடியான விளம்பரங்கள் தொடர்பில் இலங்கை CERT நிறுவனம் பொதுமக்களுக்கு எச்சரிக்கை விடுத்துள்ளது.
இது தொடர்பாகப் பெற்றோர்கள் மற்றும் மாணவர்களிடமிருந்து கிடைத்த முறைப்பாடுகளைத் தொடர்ந்து இந்த எச்சரிக்கை விடுக்கப்பட்டுள்ளது.
முன்னணி வெளிநாட்டுப் பல்கலைக்கழகங்களின் பிரதிநிதிகள் எனத் தங்களை அடையாளப்படுத்தும் மோசடிக்காரர்கள், பதிவுக் கட்டணம் மற்றும் ஆரம்ப வகுப்புகளுக்கான கட்டணங்களைச் செலுத்தினால் பல்கலைக்கழக அனுமதி, மாணவர் விசா, பணி அனுமதி மற்றும் இறுதியில் குடியுரிமை பெற்றுத் தருவதாகவும் உறுதியளிப்பதாகத் தெரிவிக்கப்பட்டுள்ளது.
இலங்கை CERT நிறுவனம்
மின்னஞ்சல் மற்றும் WhatsApp ஊடாக நம்பகத்தன்மை வாய்ந்ததாகத் தோன்றும் காணொளிகள், புகைப்படங்கள் மற்றும் ஆவணங்களைப் பகிர்ந்து, பாதிக்கப்பட்டவர்களை நம்பவைக்கும் மோசடிக்காரர்கள், பின்னர் வெளிநாட்டு வங்கிக் கணக்குகளுக்குப் பணத்தைப் பரிமாற்றுமாறு கோருவதாக CERT நிறுவனம் சுட்டிக்காட்டியுள்ளது.
பணத்தைப் பெற்றுக்கொண்ட பின்னர் மோசடிக்காரர்கள் தொடர்புகளைத் துண்டித்துவிட்டு தலைமறைவாகிவிடுவதாகவும் தெரிவிக்கப்பட்டுள்ளது.
எனவே, வெளிநாட்டுக் கல்வி வாய்ப்புகளைத் தேடும் மாணவர்களும் பெற்றோர்களும் பணம் செலுத்துவதற்கு முன்னர் பல்கலைக்கழகப் பிரதிநிதிகளின் அடையாளம், ஆவணங்கள் மற்றும் வங்கிக் கணக்கு விபரங்களின் உண்மைத்தன்மையை உறுதிப்படுத்த வேண்டும் என இலங்கை CERT நிறுவனம் அறிவுறுத்தியுள்ளது.
மேலும், வெளிநாட்டுக் கல்விக்காக விண்ணப்பிக்கும்போது சட்டபூர்வமானதும் அங்கீகரிக்கப்பட்டதுமான வழிமுறைகளை மட்டுமே பயன்படுத்துமாறும் பொதுமக்களிடம் கோரிக்கை விடுக்கப்பட்டுள்ளது.
| செய்திகளை உடனுக்குடன் தெரிந்து கொள்ள IBC தமிழ் WHATSAPP CHANNEL இல் இணைந்து கொள்ளுங்கள்...! |
யாழ்ப்பாணம், நெடுந்தீவு, பண்டத்தரிப்பு, Goslar, Germany, Breda, Netherlands, Montreal, Canada
29 Sep, 2026
புங்குடுதீவு 3ம் வட்டாரம், கொட்டாஞ்சேனை, Vaughan Ontario, Canada
03 Oct, 2026
Tellipallai, கொழும்பு, யாழ்ப்பாணம், வவுனியா, Ontario, Canada
04 Oct, 2026
