இஸ்ரேல் செய்த போர்க் குற்றத்தையே சிறிலங்காவும் செய்தது : சுமந்திரன் கண்டனம்
இலங்கையின் இறுதிக் கட்ட யுத்தத்தில் புதுக்குடியிருப்பு மருத்துவமனை மீதான தாக்குதலுக்கு சிறிலங்கா இராணுவம் கூறிய நொட்டிச் சாட்டுக்களை தற்போது இஸ்ரேல் இராணுவமும் கூறிவருகின்றது என தமிழ் தேசிய கூட்டமைப்பு விமர்சித்துள்ளது.
காசாவிலுள்ள மருத்துவமனை மீதான இஸ்ரேலின் தாக்குதலானது வெறுக்கத்தக்க போர்க் குற்றமென கூட்டமைப்பின் நாடாளுமன்ற உறுப்பினர் எம்.ஏ.சுமந்திரன் தெரிவித்துள்ளார்.
தாக்குதலை ஆதாரப்படுத்தும் பதிவு
காஸாவில் மருத்துவமனைக்குள் காணப்பட்ட ஹமாஸ் பயங்கரவாத இயக்கத்தின் தளம் மீது இஸ்ரேல் தாக்குதல் நடத்தியதாக நெட்டன்யாஹுவினால் நியமிக்கப்பட்ட இஸ்ரேலின் எண்ணியல் பிரிவிற்கான பேச்சாளர் தனது எக்ஸ் பக்கத்தில் தெரிவித்திருந்தார்.
500 பேரின் உயிர்களைக் காவுகொண்ட இந்தத் தாக்குதலை இஸ்ரேலே மேற்கொண்டது என்பதை ஆதாரப்படுத்தும் இந்த எக்ஸ் பதிவை அவர் நீக்கியிருந்ததை மேற்கோள்காட்டி எக்ஸ் பக்கத்தில் மற்றுமோரு பதிவர் கேள்வி எழுப்பியுள்ளார்.
குறித்த பதிவரின் கருத்தை மீள் பதிவிட்டு தனது கருத்தை வெளியிட்டுள்ள தமிழ் தேசிய கூட்டமைப்பின் நாடாளுமன்ற உறுப்பினர் எம்.ஏ.சுமந்திரன், இது மிகவும் வெறுக்கத்தக்க போர்க் குற்றம் என கூறியுள்ளார்.
ஆத்திரமூட்டல்கள் இருந்தாலும் மருந்துவமனை மீது கை வைக்க முடியாது என்ற போதிலும் இதுபோன்ற சம்பவம் ஏற்கனவே நடந்தேறியுள்ளது எனவும் எம்.ஏ.சுமந்திரன் சுட்டிக்காட்டியுள்ளார்.
பொதுமக்கள் மீதான தாக்குதல்கள்
கடந்த 2009 ஆம் ஆண்டு சிறிலங்கா இராணுவத்தினர் புதுக்குடியிருப்பு ஆதார வைத்தியசாலை மீது தாக்குதல்களை நடத்தியிருந்தனர் எனவும் அவர் கூறியுள்ளார்.
A most despicable war crime! Even if there was provocation, hospitals cannot be touched. Cannot but have a sense of dejavu: 2009 SL military attack on #PTK hospital was sought to be justified by exactly the same lame and sick excuse! Attacks on civilians must stop ? now! https://t.co/nLSFxPZ4g0
— M A Sumanthiran (@MASumanthiran) October 18, 2023
இஸ்ரேலிய இராணுவத்தினர் தற்போது கூறுவது போன்று அதே நொண்டிச் சாட்டுகளையும் நலிவான காரணங்களையும் கூறி நியாயப்படுத்துவதாகவும் எம்.ஏ.சுமந்திரன் விமர்சித்துள்ளார்.
பொதுமக்கள் மீதான தாக்குதல்கள் கட்டாயம் முடிவுக்கு கொண்டுவரப்பட வேண்டும் எனவும் தமிழ் தேசியக் கூட்டமைப்பின் நாடாளுமன்ற உறுப்பினர் எம்.ஏ.சுமந்திரன் மேலும் வலியுறுத்தியுள்ளார்.
கோண்டாவில் மேற்கு, மானிப்பாய், சவுதி அரேபியா, Saudi Arabia, Baden, Switzerland
26 Nov, 2021
புங்குடுதீவு 4ம் வட்டாரம், புங்குடுதீவு 8ம் வட்டாரம், Zürich, Switzerland
20 Nov, 2024
சங்கானை, யாழ்ப்பாணம், புங்குடுதீவு 6ம் வட்டாரம், Scarborough, Canada
20 Nov, 2024
கோண்டாவில் மேற்கு, வவுனியா, Milton Keynes, United Kingdom
17 Nov, 2024
