ரணில் பிரகடனப்படுத்திய அவசரகால சட்டம் - வலுவிழக்கச் செய்யும் நடவடிக்கையில் முன்னாள் ஆணையாளர்!

Ranil Wickremesinghe Sri Lanka Supreme Court of Sri Lanka President of Sri lanka State of Emergency

By Kalaimathy Jul 29, 2022 07:43 AM GMT

Kalaimathy

in அரசியல்

Report

அவசரகால சட்டம் தொடர்பில் வெளியிடப்பட்டுள்ள வர்த்தமானியை வலுவிழக்க செய்வதற்கான உத்தரவை பிறப்பிக்குமாறு கோரி உயர் நீதிமன்றத்தில் அடிப்படை உரிமை மனு தாக்கல் செய்யப்பட்டுள்ளது.

இலங்கை மனித உரிமைகள் ஆணைக்குழுவின் முன்னாள் ஆணையாளரான சட்டத்தரணி அம்பிகா சற்குணநாதன் நேற்று இந்த மனுவை தாக்கல் செய்துள்ளார்.

அதிபர் செயலாளர் உள்ளிட்ட முக்கிய பிரமுகர்களுக்கு எதிராக மனுத்தாக்கல்

ரணில் பிரகடனப்படுத்திய அவசரகால சட்டம் - வலுவிழக்கச் செய்யும் நடவடிக்கையில் முன்னாள் ஆணையாளர்! | Sri Lanka State Of Emergency Court President

சிறிலங்கா அதிபர் சார்பில் சட்டமா அதிபர், முன்னாள் அதிபர் செயலாளர் காமினி செனரத், தற்போதைய அதிபரின் செயலாளர் சமன் ஏக்கநாயக்க, பாதுகாப்பு செயலாளர் ஓய்வுபெற்ற ஜெனரல் கமல் குணரத்ன ஆகியோர் மனுவின் பிரதிவாதிகளாக பெயர் குறிப்பிடப்பட்டுள்ளனர்.

அவசரகால சட்டத்தை நடைமுறைப்படுத்தியுள்ளதால், அரசியலமைப்பில் உறுதி செய்யப்பட்டுள்ள அடிப்படை உரிமை மீறப்பட்டுள்ளதாக தீர்ப்பளிக்குமாறு மனுதாரர் உயர் நீதிமன்றத்தில் கோரிக்கை விடுத்துள்ளார்.

அவசரகால சட்டத்தால் ஏற்படும் விளைவுகள்

பொதுமக்கள் பாதுகாப்பு சட்டத்தின் கீழ், கடந்த 17 ஆம் திகதி நாடளாவிய ரீதியில் அதிபரால் நடைமுறைப்படுத்தப்பட்ட அவசரகால சட்டம், சட்டவிரோதமாக கைது செய்தல், தடுத்து வைத்தல், சித்திரவதைக்குள்ளாக்குதல் போன்ற செயற்பாடுகளுக்கு வழி சமைப்பதாக எடுத்துக்கூறியுள்ள முறைப்பாட்டாளர், கடந்த 22 ஆம் திகதி காலி முகத்திடலில் ஆயுதமேந்திய படையினர் செயற்பட்ட விதம் அதற்கான எடுத்துக்காட்டு எனவும் சுட்டிக்காட்டியுள்ளார்.

பொதுமக்கள் பாதுகாப்பு சட்டத்திற்கு அமைய, அதிபரால் வெளியிடப்பட்டுள்ள அவசரகால கட்டளைகள் அடங்கிய வர்த்தமானியை இடைநிறுத்துவதற்கான இடைக்கால உத்தரவை பிறப்பிக்குமாறும் சட்டத்தரணி அம்பிகா சற்குணநாதன் கோரிக்கை விடுத்துள்ளார்.

மேலும் இது தொடர்பான செய்திகளைப் படிக்க இங்கே கிளிக் செய்யவும்