நியூசிலாந்தில் இலங்கையருக்கு விதிக்கப்பட்ட பத்து ஆண்டுகள் சிறை

 நியூசிலாந்தில் உள்ள ஒரு முதியோர் இல்லத்தில், வயதான பெண்ணை பாலியல் அத்துமீறல் செய்த மற்றும் அங்கு வசித்த மற்றொருவரை பாலியல் ரீதியாகத் துன்புறுத்திய குற்றத்திற்காக, இலங்கையைச் சேர்ந்த ஒரு பராமரிப்பாளருக்கு 10 ஆண்டுகள் மற்றும் ஆறு மாதங்கள் சிறைத்தண்டனை விதிக்கப்பட்டுள்ளது.

நிலுஷன் ஜயங்க சில்வா கிந்தோட்டா விதானகே என அடையாளம் காணப்பட்ட அந்த நபருக்கு, கடந்த மே மாதம் கிறிஸ்ட்சேர்ச் மாவட்ட நீதிமன்றம் தண்டனை விதித்தது.

பராமரிப்பு இல்லத்தில் முதியவர்களிடம் அத்துமீறல்

 நீதிமன்றம் தடை உத்தரவை நீக்கிய பின்னர், திங்களன்று அவரது அடையாளம் பொதுவெளியில் வெளியிடப்பட்டது.

ரேடியோ நியூசிலாந்து (RNZ) தகவலின்படி, விதானகே தான் பணிபுரிந்த பராமரிப்பு இல்லத்தில் இரண்டு வயதான பெண்களுடன் பாலியல் அத்துமீறல் புரிந்த ஒரு குற்றச்சாட்டு மற்றும் சட்டவிரோத பாலியல் தொடர்பு கொண்ட இரண்டு குற்றச்சாட்டுகளுக்காகக் குற்றவாளி எனத் தீர்ப்பளிக்கப்பட்டார்.

கைதிகளின் போராட்டத்தால் இடிந்து வீழ்ந்த சிறைச்சாலை கூரை

இலங்கைக்கு நாடு கடத்தல்

நீதிமன்ற உத்தரவின்படி, அந்த இல்லத்தின் பெயர் நிரந்தரமாக வெளியிடப்படவில்லை. விதானகே எந்த வருத்தமும் காட்டவில்லை என்றும், பாலியல் குற்றத்தை தொடர்ந்து மறுத்து வருவதாகவும் நீதிபதி ஃபரிஷ் கூறினார்.

அவர் தனது தண்டனையின் மூன்றில் ஒரு பகுதியை அனுபவித்த பின்னரே இலங்கைக்கு நாடு கடத்தப்பட வேண்டும் என்று அவர் உத்தரவிட்டார்.

மோதலால் அதிரும் நீர்கொழும்பு சிறைச்சாலை: கைதிகளின் கைகளில் சிக்கிய துப்பாக்கிகள்