ஐக்கிய அமெரிக்க காங்கிரஸின் குழு முறைமையை ஆராயவுள்ள சிறிலங்கா அதிகாரிகள்

Parliament of Sri Lanka Sri Lanka United States of America

By Eunice Ruth Oct 21, 2023 06:17 PM GMT

Eunice Ruth

in அரசியல்

Report

சிறிலங்கா நாடாளுமன்றத்தின் சகல துறைசார் மேற்பார்வைக் குழுக்களின் தலைவர்களும் அதன் அங்கத்துவப் பிரதிநிதிகளும் ஐக்கிய அமெரிக்க காங்கிரஸின் குழு முறைமை குறித்து ஆய்வு செய்வதற்காக இன்று அந்த நாட்டுக்குப் உத்தியோகப்பூர்வ பயணமொன்றை மேற்கொண்டுள்ளனர்.

நாளைய தினம் மற்றுமொரு குழு இந்த பயணத்தில் இணையவுள்ளதாக தெரிவிக்கப்பட்டுள்ளது.

சர்வதேச அபிவிருத்திக்கான அமெரிக்க முகவரமைப்பின் முழுமையான நிதிப் பங்களிப்புடனும், தேசிய ஜனநாயக நிறுவனத்தின் தொழிநுட்ப மற்றும் ஒருங்கிணைப்பு ஆதரவுடனும் இந்த பயணம் மேற்கொள்ளப்பட்டுள்ளது.

ஐக்கிய அமெரிக்க காங்கிரஸின் குழு முறைமையை ஆராயவுள்ள சிறிலங்கா அதிகாரிகள் | Sri Lankan Mps Seek Inspiration From Us Congress

பயணத்துக்கான நோக்கம்

ஐக்கிய அமெரிக்க காங்கிரஸில் நீண்டகாலமாகச் செயற்பட்டுவரும் குழுக்களின் செயற்பாடுகள் பற்றிய அறிவு மற்றும் கருத்துக்களைப் பகிர்ந்து கொள்வது இந்த பயணத்தின் முக்கிய நோக்கமாக அமைந்துள்ளது.

அத்துடன், குறித்த குழுக்களின் உறுப்பினர்களுடன் கலந்துரையாடல்களை முன்னெடுத்தல், அவற்றின் தொழில்நுட்ப அணுகுமுறைகளை இனங்காணல், அவற்றின் புதிய போக்குகளை ஆய்வு செய்தல் மற்றும் அந்தக் குழுக்களின் பொது மக்கள் பங்கேற்பு இடம்பெறும் விதம் என்பன தொடர்பில் இந்த பயணத்தின் போது ஆய்வு செய்யப்படவுள்ளதாக தெரிவிக்கப்பட்டுள்ளது.

அத்துடன், சம்பந்தப்பட்ட குழுக்களின் பணிகளுக்காக மிகவும் ஜனநாயக ரீதியான பிரவேசம் கொண்ட நோக்கமொன்றை விருத்தி செய்தல் மற்றும் அதற்குப் பின்வரிசை உறுப்பிநர்களின் செயற்பாட்டு ரீதியான பங்களிப்பை பெற்றுக் கொள்வதற்கான ஆய்வு வேலைத்திட்டமொன்றும் முன்னெடுக்கப்படவுள்ளது.

இந்த ஆய்வுப் பயணத்தில் சிறிலங்கா நாடாளுமன்ற செயலகத்தின் அதிகாரிகள் சிலரும் கலந்து கொள்ளவுள்ளமை குறிப்பிடத்தக்கது.