பிரான்சில் தஞ்சமடைந்த இலங்கை பிரஜையான மாணவி: ஜிரோண்டேவில் இருந்து வெளியேறுமாறு உத்தரவு
இலங்கையில் எதிர்கொண்ட உயிர் அச்சுறுத்தல் காரணமாக பிரான்சில் தஞ்சமடைந்த ஒனெல்-ஷெனயா பெர்னாண்டோ என்ற மாணவியை ஜிரோண்டே மாகாணத்தில் இருந்து வெளியேறுமாறு அறிவித்தல் அனுப்பட்டுள்ளது.
இளம்பராய வயதை நிறைவு செய்ததை தொடர்ந்து தமக்கு இந்த வெளியேற்ற உத்தரவு வழங்கப்பட்டுள்ளதாக ஒனெல்-ஷெனயா பெர்னாண்டோ தெரிவித்துள்ளார்.
இலங்கையில் தாம் எதிர்கொண்ட அச்சுறுத்தலை அடுத்து கடந்த 2019 ஆம் ஆண்டு பிரான்ஸ்சிற்கு சென்றதாக இலங்கை பிரஜையான ஒனெல்-ஷெனயா பெர்னாண்டோ குறிப்பிட்டுள்ளார்.
ஜிரோண்டே நிர்வாகம்
வழக்கமான கல்வித் திட்டத்திற்கு மாறுவதற்கு முன்பாக பிரன்ஞ் மொழி பேசாத மாணவர்களின் வகுப்பில் இணைந்து மொழி கற்கைகளை மேற்கொண்டதாக அவர் கூறியுள்ளார்.
ஏறக்குறைய நான்கு ஆண்டுகள் போர்டேக்ஸ் நகரில் வசித்ததுடன், கல்வியிலும் சிறப்பாக செயற்பட்ட ஒனெல்-ஷெனயா பெர்னாண்டோவிற்கு கல்வியை தொடரும் வகையில் நிரந்தர குடியுரிமை விண்ணப்பம் நிராகரிக்கப்பட்டுள்ளது.
பிரான்ஸ் சமூகத்துடன் நெருக்கமான உறவுகளை பேணாமை மற்றும் ஒருங்கிணையாமை போன்ற காரணங்களை முன்வைத்து மாகாணத்தை விட்டு வெளியேறுமாறு ஜிரோண்டே நிர்வாகம் அறிவித்துள்ளது.
எனினும் ஒனெல்-ஷெனயா பெர்னாண்டோவிற்கு தமது ஆதரவை வெளியிட்டுள்ள ஆசிரிய ஊழியர்கள், அவர் வெளியேற்றப்படுவதற்கான காரணம் குறித்து தமது அதிர்ச்சியை வெளியிட்டுள்ளனர்.
மீளாய்வு
ஒனெல்-ஷெனயா பெர்னாண்டோ, விடாமுயற்சியுள்ள மாணவி எனவும் ஒரு சில ஆண்டுகளிலேயே மிகவும் ஈர்க்க கூடிய வகையில் பிரன்ஞ் மொழியை பயின்று, திறமையை வெளிப்படுத்தியதாகவும் ஆசிரியர்கள் குறிப்பிடுகின்றனர்.
இந்த நிலையில் இலங்கை பிரஜையான ஒனெல்-ஷெனயா பெர்னாண்டோ, பிரான்ஸ்சிலேயே தங்குவதற்கான உரிமையை நிலைநாட்டும் வகையில் இணை வழியான மனுவின் ஊடான ஆதரவு கோரப்பட்டுள்ளது.
இந்த மனுவில் 23 ஆயிரத்திற்கும் அதிகமானவர்களின் கையெழுத்துக்களை பெற்றுள்ள நிலையில், சட்டத்தரணியின் உதவியுடன் தம்மை வெளியேற்றும் முடிவுக்கு எதிராக மேன்முறையீடு செய்வதையும் ஜிரோண்டே மாகாண நிர்வாகம் ஏற்றுக்கொண்டுள்ளது.
மேலும், ஜிரோண்டே நிர்வாகம் ஒனெல்-ஷெனயா பெர்னாண்டோவின் நிலைமையை மீளாய்வு செய்யவுள்ளமை குறிப்பிடத்தக்கது.
YOU MAY LIKE THIS
Obersiggenthal, Switzerland, Kirchdorf, Switzerland, Nussbaumen, Switzerland, Mellingen, Switzerland
28 Jul, 2025
Kuala Lumpur, Malaysia, இணுவில், கொழும்பு, Scarborough, Canada
30 Jul, 2025
புங்குடுதீவு 3ம் வட்டாரம், சிவபுரம், வவுனிக்குளம், Woodbridge, Canada
05 Aug, 2022
கரவெட்டி, வெள்ளவத்தை, குருநாகல், புத்தளம், மட்டக்களப்பு, அநுராதபுரம்
02 Jul, 2025
Kedah, Malaysia, சண்டிலிப்பாய், Cheam, United Kingdom
04 Aug, 2024