வெளிநாட்டவர்களினால் பரவலடையும் திரிபடைந்த கொரோனா! வைத்தியர் எச்சரிக்கை
வெளிநாடுகளிலிருந்து வருகைதருபவர்கள் மூலம் திரிபடைந்த புதிய கொரோனா வைரஸ் பரவக்கூடிய சாத்தியம் உயர்வாகக் காணப்படுகின்றது என சுகாதாரக்கொள்கைகள் ஸ்தாபனத்தின் நிறைவேற்றுப் பணிப்பாளர் வைத்திய நிபுணர் ரவி ரன்னன் எலிய தெரிவித்துள்ளார்.
விவேகமாக செயற்படக்கூடிய எந்தவொரு நாடும் இவ்வருடம் தமது நாட்டிற்கான பயணக்கட்டுப்பாடுகளைத் தளர்த்தாது. அவ்வாறிருக்கையில் இதுகுறித்து எமது நாட்டின் அரசியல்வாதிகளும் சுற்றுலாத்துறை சார்ந்தவர்களும் விசேட கவனம் செலுத்துவது அவசியமாகும் என்றும் அவர் மேலும் தெரிவித்துள்ளார்.
இது தொடர்பில் தனது உத்தியோகபூர்வ ருவிட்டர் பக்கத்தில் பதிவிட்டுள்ளார்.
மேலும் தனது பாதிவில்,
பிரிட்டனில் கொரோனா வைரஸ் மூன்றாவது அலை பரவுவதையும் மேலும் நாடு முடக்கப்படுவதையும் தடுப்பதற்கு, விடுமுறைகளின் போது வெளிநாடுகளுக்குச் செல்வது ஊக்குவிக்கப்படக்கூடாது என்று அந்நாட்டு நாடாளுமன்ற உறுப்பினர்கள் சிலர் வலியுறுத்தியுள்ளனர்.
அங்கு கொரோனா தடுப்பூசி ஏற்றும் நடவடிக்கைகள் முன்னெடுக்கப்பட்டு வருகின்ற போதிலும், திரிபடைந்த புதிய கொரோனா வைரஸ் பரவலின் மூன்றாவது அலை ஏற்படுவதைத் தவிர்ப்பதற்கு வெளிநாட்டு சுற்றுப்பயணங்கள் குறைக்கப்படவோ அல்லது தடுக்கப்படவோ வேண்டும் என்று கோரப்பட்டுள்ளது.
அதில் சிவப்புப்பட்டியலில் உள்ள இந்தியாவும் உள்ளடக்கப்பட்டுள்ளது. வெளிநாடுகளிலிருந்து வருபவர்கள் மூலம் திரிபடைந்த புதிய வைரஸ் பரவக்கூடிய சாத்தியக்கூறுகள் உயர்வாக இருப்பதுடன் அதனால் ஏற்படக்கூடிய பாதகமான தாக்கங்களும் உயர்வாகும்.
எனவே விவேகமான செயற்படக்கூடிய எந்தவொரு நாடும் இவ்வருடத்தில் தமது நாட்டிற்குரிய பயண எல்லைகளைத் தளர்த்தாது.
அவ்வாறிருக்கையில் எமது நாட்டின் அரசியல்வாதிகளும் சுற்றுலாத்துறை சார்ந்தவர்களும் இதுகுறித்த மிகுந்த அவதானம் செலுத்துவதுடன், ஏனைய நாடுகள் எதற்கான அத்தகைய நடவடிக்கைகளை முன்னெடுக்கின்றன என்று கேள்வி எழுப்பி பரிசீலனை செய்வது அவசியமாகும் எனவும் தனது பதிவில் மேலும் சுட்டிக்காட்டியுள்ளார்.
Given most people may not understand what B117 might do, I made a projection of what it will do to daily case numbers with no change in control measures. Main point is that we wouldn't see much difference until it's far too late. Bear in mind that cases lag infections by a week. pic.twitter.com/tSBjcxFUvm
— Ravi Rannan-Eliya (@ravirannaneliya) February 16, 2021
சுழிபுரம், பிரித்தானியா, United Kingdom, மானிப்பாய், கொழும்பு, Uganda
02 Aug, 2016
யாழ். அத்தியடி, யாழ்ப்பாணம், London, United Kingdom, மெல்போன், Australia
29 Jul, 2026
