கொட்டும் மழையிலும் காணிகளை விடுவிக்க கோரி வலி. வடக்கில் தொடரும் போராட்டம்

Sri Lankan Tamils Jaffna

By Theepan May 15, 2026 02:22 PM GMT

Theepan

in சமூகம்

Report

வலி. வடக்கு பகுதிகளில் உயர் பாதுகாப்பு வலயமாக உள்ள தமது காணிகளை விடுவிக்க கோரி , கொட்டும் மழையிலும் காணி உரிமையாளர்கள் இராணுவமுகாமுக்கு முன்பாக இன்றைய தினம் நான்காவது வெள்ளிக்கிழமை போராட்டத்தினை முன்னெடுத்தனர்.

வலி. வடக்கில் 256, 248, 251 மற்றும் 255 ஆகிய கிராம சேவையாளர் பிரிவை சேர்ந்த மக்கள் கடந்த 1990ஆம் ஆண்டு ஜூன் மாத கால பகுதியில் அவர்களது சொந்த இடங்களில் இருந்து வெளியேற்றப்பட்ட பின்னர், அப்பகுதி உயர் பாதுகாப்பு வலயமாக காணப்படுகிறது.

யுத்தம் முடிவடைந்து 17 வருடங்கள் கடந்த நிலையிலும் , அப்பகுதிகளில் இருந்து பாதுகாப்பு தரப்பினர் வெளியேறாத நிலையில் , அவை உயர்பாதுகாப்பு வலயமாகவே காணப்படுகிறது.

காணி உரிமையாளர்கள்

இந்நிலையில் தமது 651 ஏக்கர் காணிகளை விடுவிக்குமாறு பல வருடங்களாக காணி உரிமையாளர்கள் போராடி வரும் நிலையில் காணிகள் விடுவிக்கப்படவில்லை.

கொட்டும் மழையிலும் காணிகளை விடுவிக்க கோரி வலி. வடக்கில் தொடரும் போராட்டம் | Struggle To Release The Lands Continues

இந்நிலையில் காணிகளை விடுவிக்குமாறு கடந்த வெள்ளிக்கிழமை முதல் பிரதி வெள்ளிக்கிழமைகளில் போராட்டங்களை முன்னெடுப்பதாக காணி உரிமையாளர்கள் முடிவெடுத்திருந்ததன் படி, இன்றைய தினம் வெள்ளிக்கிழமை போராட்டத்தை முன்னடுத்துள்ளனர்.