தமிழ் மாணவன் எடுத்த தவறான முடிவு: வெளியான அதிர்ச்சி காரணம்
விஷம் அருந்தி விட்டு பாடசாலைக்கு வந்த மாணவர் ஒருவர் வைத்தியசாலையில் அனுமதிக்கப்பட்டுள்ளார்.
மாணவன் வட்டவளை பிரதேச வைத்தியசாலையில் இன்று (21) அனுமதிக்கப்பட்டதையடுத்து பின்னர் மேலதிக சிகிச்சைக்காக நாவலப்பிட்டி மாவட்ட பொது வைத்தியசாலைக்கு மாற்றப்பட்டதாக வட்டவளை காவல்துறையினர் தெரிவித்துள்ளனர்.
பாடசாலையில் வைத்து குறித்த மாணவனிடமிருந்து வித்தியாசமான மணம் வீசுவதாக சக மாணவர்கள் கூறியதையடுத்து ஆசிரியர்கள் உடனடியாக மாணவனை வைத்தியசாலைக்கு அழைத்துச் சென்றுள்ளனர்.
மேலதிக விசாரணை
அதன்போது, பாடசாலையின் ஆசிரியர்கள் சிலர் தன்னையும் தனது சகோதரியையும் தொடர்ந்து திட்டியதால் வீட்டில் முட்டைக்கோஸ் தோட்டத்தை பாதுகாக்க கொண்டு வந்த பூச்சிக்கொல்லி திரவத்தை குடித்துவிட்டு பாடசாலைக்கு வந்ததாக வட்டவளை வைத்தியசாலை வைத்தியர்களிடம் அந்த மாணவன் கூறியுள்ளதாக தெரிவிக்கப்படுகிறது.
ஹட்டன் பிராந்திய கல்வி அலுவலகத்தின் கீழ் இயங்கும் பிரதான தமிழ் பாடசாலையில் 10ஆம் ஆண்டில் கல்வி கற்கும் 16 வயதுடைய மாணவன் ஒருவரே இவ்வாறு வைத்தியசாலையில் அனுமதிக்கப்பட்டுள்ளார்.
சம்பவம் தொடர்பில் காவல்துறையினர் மேலதிக விசாரணைகளை மேற்கொண்டு வருகின்றனர்.
புங்குடுதீவு 3ம் வட்டாரம், கொட்டாஞ்சேனை, Vaughan Ontario, Canada
03 Oct, 2026
கரவெட்டி மேற்கு, Lewisham, United Kingdom
12 Sep, 2003
யாழ்ப்பாணம், நெடுந்தீவு, பண்டத்தரிப்பு, Goslar, Germany, Breda, Netherlands, Montreal, Canada
29 Sep, 2026
