காவல்துறை அதிகாரியின் இழி செயல் : உடன் எடுக்கப்பட்ட நடவடிக்கை
கொழும்பு வத்தளை காவல்துறை பிரிவில் கடமையாற்றும் காவல்துறை சார்ஜன்ட் ஒருவர் வீதியில் நிறுத்தப்பட்டிருந்த பாரவூர்தியின் முன் சக்கரத்தின் காற்றை திறக்கும் காட்சிகள் சமூக வலைத்தளங்களில் பரவி வருகின்றன.
குறித்த காவல்துறை சார்ஜன்டின் நடவடிக்கை முற்றிலும் சட்டவிரோதமானது எனவும், எனவே குறித்த அதிகாரி இன்று (03) முதல் நடைமுறைக்கு வரும் வகையில் பணி இடைநிறுத்தப்பட்டுள்ளதாக காவல்துறையினர் தெரிவித்தனர்.
வழங்கப்பட்ட குற்றப்பத்திரிகை
இதற்கிடையில், அவரிடம் குற்றப்பத்திரிகை வழங்கப்பட்டுள்ளதுடன், இது தொடர்பான சம்பவம் குறித்து விசாரணை நடத்தப்பட்டு வருவதாக காவல்துறையினர் மேலும் தெரிவித்தனர்.
வீதியின் போக்குவரத்திற்கு இடையூறாக இருந்தமையினால் இவ்வாறு காற்று திறக்கப்பட்டதாக காவல்துறை அதிகாரி தெரிவித்தார்.
| செய்திகளை உடனுக்குடன் தெரிந்து கொள்ள IBC தமிழ் WHATSAPP CHANNEL இல் இணைந்து கொள்ளுங்கள்...! |
நெடுந்தீவு, மானிப்பாய், வளசரவாக்கம், India, பளை, திருநாவற்குளம்
22 Feb, 2026
