தியாகதீபம் திலீபன் நினைவுசுமந்த கவிதைப் போட்டி:புதுக்குடியிருப்பு மத்திய கல்லூரி மாணவன் முதலிடம்!(படங்கள்)
தியாகதீபம் திலீபனுடைய 36ஆம் ஆண்டு நினைவுதினத்தையொட்டி தாயக மற்றும், புலம்பெயர் நினைவேந்தல் குழுவினால் நடாத்தப்பட்ட மாபெரும் கவிதைப் போட்டியில் புதுக்குடியிருப்பு மத்திய கல்லூரி மாணவன் பா.அறிவன் முதலிடம் பெற்றுள்ளார்.
முல்லைத்தீவு மாவட்ட பாடசாலைகளை சேர்ந்த, ஏற்கனவே போட்டிக்காக விண்ணப்பித்த மாணவர்களுக்கான கவிதைப்போட்டியானது கடந்த 24.09.2023 அன்று முல்லைத்தீவு, வள்ளிபுனம் பகுதியில் உள்ள ரேடியன் முன்பள்ளி வளாகத்தில், சிறப்பாக ஒழுங்கமைக்கப்பட்ட இடத்தில், இடம்பெற்றது.
குறித்த போட்டி தாயக மற்றும் புலம்பெயர் நினைவேந்தல் குழுவின் தாயக இணைப்பாளர் தம்பையா யோகேஸ்வரன் ( முல்லை ஈசன் ) தலைமை தாங்கினார்.
போட்டி நிகழ்வுகள்
இந் நிலையில் தியாகதீபம் திலீபனுடைய திருவுருவப்படத்திற்கு ஈகைச்சுடர் ஏற்றி மலர்மாலை அணிவித்து அகவணக்கம் செலுத்தியதை தொடர்ந்து மலர்வணக்கம் இடம்பெற்று போட்டி நிகழ்வுகள் இடம்பெற்றன.
இந்த கவிதை போட்டியில் முதலாம் இடத்தினை புதுக்குடியிருப்பு மத்திய கல்லூரி பா.அறிவன் பெற்றதோடு 50,000 ரூபாய் பணப்பரிசிலினையும் பெற்றுக்கொண்டார்.
இரண்டாம் இடத்தினை வள்ளிபுனம் மகா வித்தியாலய மாணவி பு .பவதாரணி பெற்றுக்கொண்டதோடு 30,000ரூபாய் பணப் பரிசிலினையும் பெற்றுக்கொண்டார்.
மூன்றாம் இடத்தினை மந்துவில் அரசரத்தினம் வித்தியாலய மாணவி லோ.ரிவர்ஷனா பெற்றுக்கொண்டதோடு 20,000 ரூபாய் பணப் பரிசிலினையும் பெற்றுக்கொண்டார்.
நினைவுப்பரிசில்கள்
இதனை விட பாலிநகர் மகா வித்தியாலய மாணவன் சு .பாலவன், புதுக்குடியிருப்பு மத்திய கல்லூரி மாணவன் கு.கேனுஜன்,வள்ளிபுனம் மகா வித்தியாலய மாணவி நா.பவதாரணி புதுக்குடியிருப்பு மத்திய கல்லூரி மாணவன் ரூ.மதுமிதன்,வள்ளிபுனம் மகா வித்தியாலய மாணவி சு.சுலக்சி ஆகியோர் தலா 5000 பெறுமதியான ஆறுதல் பரிசில்களை பெற்றுக்கொண்டனர்.
அத்தோடு போட்டியில் பங்கு பற்றிய அனைத்து மாணவர்களுக்கும் நினைவுப்பரிசில்களும் வழங்கி வைக்கப்பட்டது.
இந் நிகழ்வில் விருந்தினர்களாக முன்னாள் வடமாகாண சபை உறுப்பினர் துரைராசா ரவிகரன், புதுக்குடியிருப்பு வர்த்தக சங்க தலைவர் த.நவநீதன்,முன்னாள் போராளி அழகன், சமூகசெயற்பாட்டாளர் ராஜன், றேடியன் முன்பள்ளி ஆசிரியர்களான சுபாசினி, சானுஜா ஆகியோரும், நடுவர்களாக கோபிநாத் ,மோகனராசா,சிரஞ்சீதன் உள்ளிட்டவர்கள் கலந்துகொண்டிருந்தனர்.
தமிழர் தேசத்தை உலுக்கும் வீதி விபத்துக்கள்... 20 மணி நேரம் முன்
இப்போதும் அகதிகளாகிக் கொண்டே இருக்கிறோம்…!
5 நாட்கள் முன்
கொடிகாமம், வெள்ளாம்போக்கட்டி, புளியம்பொக்கணை, வவுனியா, கொழும்பு
11 May, 2026
யாழ் மண்டைதீவு 7ம் வட்டாரம், Jaffna, மல்லாவி யோகபுரம், London, United Kingdom
23 Jun, 2026
கொக்குவில், கொக்குவில் கிழக்கு, வெள்ளவத்தை, Le Blanc-Mesnil, France
20 Jun, 2026
கோண்டாவில், யாழ்ப்பாணம், மட்டக்களப்பு, கொழும்பு, London, United Kingdom, Richmond Hill, Canada
23 Jun, 2026
