சிவனொளிபாத மலையில் குவியும் பிளாஸ்டிக் போத்தல்கள்
சிவனொளிபாதமலைக்கு செல்லும் யாத்ரீகர்களால் கைவிடப்பட்ட மூன்று தொன் பிளாஸ்டிக் போத்தல்களை சேகரித்துள்ளதாக மஸ்கெலியா மாவட்ட சபை அறிவித்துள்ளது.
2023-2024 ஆண்டுகளில் சிவனொளிபாதமலை பருவம் ஆரம்பித்து மூன்று மாதங்களுக்குள் மூன்று தொன் பிளாஸ்டிக் போத்தல்கள் சேகரிக்கப்பட்டுள்ளதாக இன்று (08) அறிவிக்கப்பட்டுள்ளது.
அந்த வழியாக செல்லும் பக்தர்கள் தாம் கொண்டு செல்லும் பிளாஸ்டிக் தண்ணீர் போத்தல்களை அப்புறப்படுத்த குப்பை தொட்டிகள் வைக்கப்பட்டுள்ள போதிலும் பெரும்பாலானோர் அதனை முறையாக பின்பற்றவில்லை என மாவட்ட செயலாளர் எஸ்.ராஜவீரன் தெரிவித்தார்.
சுற்றுச்சூழலில் வீசுகிறார்கள்
சில பக்தர்கள் பிளாஸ்டிக் தண்ணீர் போத்தல்களை குப்பைத் தொட்டிகளில் போடாமல் சுற்றுச்சூழலில் வீசுகிறார்கள்.
மேலும், குப்பைகளை அகற்றுவதற்காக வைக்கப்பட்டுள்ள குப்பைத் தொட்டிகளில் உள்ள மூல உணவுப் பொருட்களை அப்புறப்படுத்த மாவட்ட செயலகம் கூறியுள்ள விடயங்களையும் பக்தர்கள் பின்பற்றுவதில்லை என குறிப்பிடப்பட்டுள்ளது.
இந்நிலையில், சிவனொளிபாத மலைக்கு செல்லும் யாத்ரீகர்களால் தூக்கி எறியப்பட்ட பிளாஸ்டிக் தண்ணீர் போத்தல்கள், நல்லதண்ணியில் உள்ள குப்பை மறுசுழற்சி நிலையத்திற்கு கொண்டு செல்லப்பட்டு, அங்கிருந்து தனியாருக்கு விற்கப்படும் எனவும் செயலாளர் தெரிவித்தார்.
வறட்சியான காலநிலை
இதேவேளை, தற்போது நிலவும் வறட்சியான காலநிலை காரணமாக நல்லதண்ணி பிரதேசத்தில் குடிநீர் பிரச்சினை ஏற்பட்டுள்ளது.
இப்பிரச்சினைக்கு தீர்வு காண நீர் வழங்கல் சபையுடன் கலந்துரையாடல் இடம்பெற்று வருவதாகவும் செயலாளர் மேலும் தெரிவித்துள்ளமை குறிப்பிடத்தக்கது.
செய்திகளை உடனுக்குடன் தெரிந்து கொள்ள IBC தமிழ் WHATSAPP CHANNEL இல் இணைந்து கொள்ளுங்கள்...! |
மாவீரர் நாள் - 27 நவம்பர் | சிறப்பு நேரடி ஒளிபரப்பு
விழிநீரால் விளக்கேற்றத் தயாராகும் தமிழர் தேசம் 8 மணி நேரம் முன்
மயிலிட்டி தெற்கு, London, United Kingdom, Edinburgh, Scotland, United Kingdom
15 Nov, 2025
யாழ்ப்பாணம், யாழ் அச்சுவேலி தோப்பு, Jaffna, பேர்ண், Switzerland
19 Nov, 2025
சிங்கப்பூர், Singapore, அளவெட்டி, மல்லாகம், Newbury Park, United Kingdom, Wickford, United Kingdom
28 Nov, 2024
வேலணை மேற்கு 8ம் வட்டாரம், Jaffna, வேலணை மேற்கு 8ம் வட்டாரம், Northolt, United Kingdom
28 Oct, 2025
புங்குடுதீவு 2ம் வட்டாரம், வட்டக்கச்சி இராமநாதபுரம், Woodbridge, Canada
22 Nov, 2025
