ஆதரவு இல்லையென அறிவித்த ஐயுஎம்எல்..! விஜய்யின் பதவியேற்பில் மீண்டும் இழுபறி
தமிழிக வெற்றிக் கழகத்தின் தலைவர் ஜோசப் விஜய் நாளை தமிழக முதல்வதாக பதவியேற்பதாக தகவல் வெளியாகிய நிலையில், அவரது பதவியேற்பில் மீண்டும் இழுபறி ஏற்பட்டுள்ளது.
தமிழக சட்டமன்றத் தேர்தலில் 108 ஆசனங்களுடன் தனிப்பெரும் கட்சியாக உருவெடுத்துள்ள தமிழக வெற்றிக் கழகம், முன்னதாக ஆட்சி அமைப்பதற்குத் தேவையான பெரும்பான்மையை எட்ட தீவிர முயற்சியில் ஈடுபட்டு வந்தது.
அதன்படி, ஆட்சி அமைக்க 11 உறுப்பினர்களின் ஆதரவு தேவைப்பட்ட நிலையில், காங்கிரஸ் கட்சி தனது 5 உறுப்பினர்களின் ஆதரவை ஏற்கனவே உறுதி செய்துள்ளது.
கோரப்பட்ட ஆதரவு
இதனைத் தொடர்ந்து, தி.மு.க கூட்டணியில் உள்ள மற்ற கட்சிகளான சி.பி.ஐ, சி.பி.எம், விசிக மற்றும் ஐ.யு.எம்.எல் ஆகியவற்றுக்கு தவெக தலைவர் விஜய் கடிதம் வாயிலாக ஆதரவு கோரியிருந்தார். தவெக நிர்வாகிகளும் அந்தந்தக் கட்சித் தலைவர்களை நேரில் சந்தித்து ஆதரவு திரட்டினர்.
அந்த முயற்சிகளின் பலனாக, இடதுசாரி கட்சிகளான இந்திய கம்யூனிஸ்ட் மற்றும் மார்க்சிஸ்ட் கம்யூனிஸ்ட் ஆகிய இரு கட்சிகளும் தவெக ஆட்சி அமைக்கத் தங்களது ஆதரவுக் கடிதத்தை அதிகாரப்பூர்வமாக வழங்கியுள்ளன.
விடுதலைச் சிறுத்தைகள் கட்சியும் தவெக-வுக்கு ஆதரவளிப்பதாகத் தெரிவித்திருந்தாலும், இதுவரை முறைப்படியான ஆதரவுக் கடிதத்தை வழங்கவில்லை.
இதற்கிடையில், இந்திய யூனியன் முஸ்லிம் லீக் (ஐ.யு.எம்.எல்) கட்சியும் தவெக-வுக்கு ஆதரவு தெரிவித்துள்ளதாகவும், அதன் மூலம் தவெக-வின் பலம் 120 ஆக உயர்ந்து பெரும்பான்மை உறுதி செய்யப்பட்டுவிட்டதாகவும் தகவல்கள் பரவின.
ஐ.யு.எம்.எல் மறுப்பு
ஆனால், இத்தகவலை ஐ.யு.எம்.எல் தலைமை திட்டவட்டமாக மறுத்துள்ளது. இது தொடர்பாக அக்கட்சியின் மாநில முகநூல் பக்கத்தில் வெளியிட்டுள்ள விளக்கத்தில், தாங்கள் தவெக-வுக்கு ஆதரவு அளிக்கவில்லை என்றும், தி.மு.க தலைமையிலான மதச்சார்பற்ற முற்போக்கு கூட்டணியிலேயே நீடிப்பதாகவும் தெளிவுபடுத்தியுள்ளது.
இவ்வாறானதொரு பின்னணியில், தவெக-வுக்கு ஆதரவாக உள்ள உறுப்பினர்களின் மொத்த எண்ணிக்கை 116 ஆக உள்ள நிலையில், பெரும்பான்மைக்கு இன்னும் 2 உறுப்பினர்களின் ஆதரவு அவசியமாகிறது.
நாளை பதவியேற்பு விழா நடைபெறவிருப்பதாகக் கூறப்படும் சூழலில், பெரும்பான்மை இன்னும் உறுதி செய்யப்படாததால் தமிழக அரசியலில் உச்சக்கட்ட பரபரப்பு நிலவி வருகிறது.
இந்நிலையில், விடுதலைச் சிறுத்தைகள் கட்சியின் அதிகாரப்பூர்வ கடிதம் மற்றும் மீதமுள்ள 2 உறுப்பினர்களின் ஆதரவைப் பெறுவதில் தவெக தலைமை தற்போது தீவிர கவனம் செலுத்தி வருகின்றமை குறிப்பிடத்தக்கது.
செய்திகளை உடனுக்குடன் தெரிந்து கொள்ள IBC தமிழ் WHATSAPP இல் இணைந்து கொள்ளுங்கள்...! |
தமிழர் தேசத்தை உலுக்கும் வீதி விபத்துக்கள்... 2 நாட்கள் முன்
இப்போதும் அகதிகளாகிக் கொண்டே இருக்கிறோம்…!
6 நாட்கள் முன்
யாழ் மண்டைதீவு 7ம் வட்டாரம், Jaffna, மல்லாவி யோகபுரம், London, United Kingdom
23 Jun, 2026
புங்குடுதீவு 5ம் வட்டாரம், ஆறுகால்மடம், பிரான்ஸ், France
24 Jun, 2026
அனலைதீவு, கொழும்பு, யாழ்ப்பாணம், Jakarta, Indonesia, சென்னை, India, Toronto, Canada
26 Jun, 2025
புங்குடுதீவு 11ம் வட்டாரம், புங்குடுதீவு 1ம் வட்டாரம், கொட்டாஞ்சேனை
22 Jun, 2026
கொக்குவில், கொக்குவில் கிழக்கு, வெள்ளவத்தை, Le Blanc-Mesnil, France
20 Jun, 2026
கோண்டாவில், யாழ்ப்பாணம், மட்டக்களப்பு, கொழும்பு, London, United Kingdom, Richmond Hill, Canada
23 Jun, 2026
