ஜெனிவாவின் முன் அணிதிரள புலம்பெயர் தமிழருக்கு விடுக்கப்பட்ட அறைகூவல்!
ஐக்கிய நாடுகள் சபையின் முன் அமைந்துள்ள முருகதாசன் திடலில் ஒன்று கூடல் ஒன்று இடம்பெறவுள்ளதாகத் தெரிவிக்கப்பட்டுள்ளது.
இந்த ஒன்று கூடலில் யாழ்.மாநகர சபை முதல்வர் வி.மணிவண்ணன் கலந்துகொள்ளவுள்ளதாகத் தெரிவிக்கப்பட்டுள்ளது.
அதேவேளை, புலம்பெயர் தமிழர்கள் அனைவரும் இதில் கலந்துகொள்ள வேண்டுகோள் விடுக்கப்பட்டுள்ளது.
இது தொடர்பில் மேலும் தெரியவருகையில்,
ஐ.நா. சபையின் 51ஆவது மனித உரிமைகள் கூட்டத் தொடர் சுவிட்சர்லாந்தின் ஜெனிவா நகரில் இன்று ஆரம்பமாகவுள்ளது.
முருகதாசன் திடலில் ஒன்று கூடல்
இந்த நிலையில், இலங்கையில் இடம்பெற்ற இன அழிப்புக்கு எதிராக ஐக்கியநாடுகள் சபையின் முன் அமைந்துள்ள முருகதாசன் திடலில் இன்று பிற்பகல் 2.00 மணியளவில் ஒன்று கூடல் ஒன்றும் இடம்பெறவுள்ளது.
இதில் கலந்து கொள்வதற்காக யாழ்.மாநகர முதல்வர் விஸ்வலிங்கம் மணிவண்ணன் நேற்று ஜெனிவா சென்றடைந்துள்ளார்.
புலம்பெயர் உறவுகளுக்கு அழைப்பு
இந்த நிலையில், குறித்த ஒன்றுகூடலில் புலம்பெயர்ந்த தமிழ் உறவுகள் அனைவரையும் கலந்துகொண்டு தமிழ் மக்களின் நீதிக்கான குரலுக்கு வலுச் சேர்க்குமாறு அவர் ஜெனிவாவிலிருந்து வேண்டுகோள் விடுத்துள்ளார்.
அரியாலை, கொழும்பு, Georgetown, Guyana, Edgware, United Kingdom
17 Jun, 2025
