ஹோர்முஸ் நீரிணையை மூட முயற்சித்தால்...! ஈரானுக்கு அமெரிக்கா விடுத்துள்ள எச்சரிக்கை
ஈரான் நாடு ஹோர்முஸ் நீரிணையை (Strait of Hormuz) மூட முயற்சித்தால் அதற்கு எதிராக அமெரிக்க இராணுவம் பதில் நடவடிக்கை எடுக்கும் என எச்சரிக்கப்பட்டுள்ளது.
அமெரிக்க துணை ஜனாதிபதி ஜே.டி. வான்ஸ் (J.D. Vance) இந்த எச்சரிக்கையை விடுத்துள்ளதாக சர்வதேச ஊடகங்கள் செய்தி வெளியிட்டுள்ளன.
மேலும் தெரிவித்த ஜே.டி. வான்ஸ், ஈரான் இந்த நீரிணையை மூட முயன்றால் அதற்கு அமெரிக்க இராணுவத்தின் தரப்பில் இருந்து தகுந்த பதிலடி கொடுக்கப்படும் அதுதான் முடிவு என தெரிவித்துள்ளார்.
அடிப்படை ஒப்பந்தம்
நாங்கள் செய்துகொண்ட அடிப்படை ஒப்பந்தம் என்னவென்றால் நீங்கள் கப்பல்கள் மீது தாக்குதல் நடத்துவதை நிறுத்தினால் நாங்கள் எங்கள் முற்றுகையை நீக்குவோம் என்பதாகும் என அவர் சுட்டிக்காட்டியுள்ளார்.
இருப்பினும் நீங்கள் கப்பல்கள் மீது சுட்டாலோ அல்லது தாக்கினாலோ நாங்கள் திருப்பி அடிப்போம் என அவர் குறிப்பிட்டுள்ளார்.
அவர்கள் இந்த ஒப்பந்தத்தைப் பின்பற்றலாம் அல்லது நேற்று இரவு என்ன நடந்ததோ அதே போன்றதொரு விளைவை எதிர்கொள்ளலாம் என ஜே.டி. வான்ஸ் தெரிவித்துள்ளார்.
அவர்கள் அந்த கடல் வழியைத் திறந்து கப்பல்கள் மீது தாக்குதல் நடத்துவதை நிறுத்தும் வரை இது தொடர்ந்து நடந்து கொண்டே இருக்கும் என அவர் மேலும் தெரிவித்துள்ளமை குறிப்பிடத்தக்கது.
செய்திகளை உடனுக்குடன் தெரிந்து கொள்ள IBC தமிழ் WHATSAPP இல் இணைந்து கொள்ளுங்கள்...! |
அரியாலை, கொழும்பு, Georgetown, Guyana, Edgware, United Kingdom
17 Jun, 2025
