சுற்றுலாப் பயணிகளை சிரமத்திற்குள்ளாக்கிய வற் வரி அதிகரிப்பு
நாட்டில் வற் எனப்படும் பெறுமதி சேர் வரி நடைமுறைப்படுத்தப்பட்டமையினால் சிகிரியாவைப் பார்வையிட வரும் உள்நாட்டு மற்றும் வெளிநாட்டு சுற்றுலாப் பயணிகள் தொடர்ச்சியாக சிரமங்களை எதிர்நோக்கி வருவதாக சிகிரியா சுற்றுலா வழிகாட்டிகள் சங்கம் தெரிவித்துள்ளது.
இதுவரை காலமும் வெளிநாட்டு சுற்றுலாப் பயணிகள் சிகிரியாவை பார்வையிடுவதற்கு, அனுமதிச் சீட்டுக்களை டொலரில் கொள்வனவு செய்யும் நிலை காணப்பட்டது.
தற்போது, பெறுமதி சேர்வரி நடைமுறைப்படுத்தப்பட்டதன் பின்னர் அனுமதிச் சீட்டுக்கள் ரூபாய் நாணய அலகில் மாத்திரம் வழங்கப்படுவதாக அந்த சங்கத்தின் தலைவர் சமன் மோரேமட தெரிவித்துள்ளார்.
வற் வரி அதிகரிப்பு
கடந்த காலங்களில் சிகிரியாவைப் பார்வையிடுவதற்காக வெளிநாட்டு சுற்றுலாப் பயணி ஒருவருக்கு 30 டொலர் அறவிடப்பட்டு வந்தது.
இந்த நிலையில், வற் எனப்படும் பெறுமதி சேர் வரி திருத்தத்தை செயற்படுத்தியதன் பின்னர், அந்த தொகை 36 டொலராக அதிகரிக்கப்பட்டுள்ளது.
சுற்றுலாப் பயணிகள் டொலரில் அனுமதிச் சீட்டுக்களை கொள்வனவு செய்யும் நிலைமை நடைமுறையில் உள்ளது. எனினும் மீதமுள்ள பணத்தை டொலரில் வழங்க முடியாத நிலை காணப்படுகிறது.
சிகிரியாவைப் பார்வையிடாமல்
இதன்காரணமாக வெளிநாட்டு சுற்றுலாப் பயணிகள் ரூபாய் மற்றும் வங்கி அட்டைகளில் அனுமதிச் சீட்டுக்களை கொள்வனவு செய்யும் போது, பாரிய சிக்கல்களை எதிர்நோக்கி வருகின்றனர்.
சிகிரியாவிற்கு வருகை தரும் வெளிநாட்டு சுற்றுலாப் பயணி ஒருவருக்கு இலங்கை நாணயத்தில் 11,772 ரூபாய் அறவிடப்படுகின்றது.
இதன்காரணமாக பல வெளிநாட்டு சுற்றுலாப் பயணிகள் சிகிரியாவிற்கு விஜயம் செய்யாமல் சிகிரியாவைச் சுற்றி உள்ள இடங்களைப் பார்வையிடச் செல்வதாகவும் சிகிரிய சுற்றுலா வழிகாட்டிகள் சங்கத்தின் தலைவர் சமன் மோரேமட மேலும் தெரிவித்துள்ளமை குறிப்பிடத்தக்கது.
செய்திகளை உடனுக்குடன் தெரிந்து கொள்ள IBC தமிழ் WHATSAPP CHANNEL இல் இணைந்து கொள்ளுங்கள்...! |
புங்குடுதீவு 11ம் வட்டாரம், புங்குடுதீவு 2ம் வட்டாரம், Hannover, Germany
28 Dec, 2022
ஜெயந்திநகர், பாரதிபுரம், பூநகரி, Wembley, United Kingdom
22 Dec, 2025
மல்லாவி யோகபுரம், கொழும்பு, Kuala Lumpur, Malaysia, Toronto, Canada, அளவெட்டி
25 Dec, 2024
