வெடுக்குநாறிமலை ஆலய விவகாரம் : காவல்துறை ஊடகப்பிரிவு வெளியிட்டுள்ள அறிக்கை
வறட்சியான நேரத்தில் வெடுக்குநாறிமலை ஆதி சிவன் ஆலய யாகத்தால் காட்டில் தீ ஏற்பட வாய்ப்பு உள்ளதுடன் நீதிமன்ற உத்தரவை மீறியதாகவும் காவல்துறை ஊடகப் பிரிவு அறிக்கை வெளியிட்டுள்ளது.
வெடுக்குநாறிமலை ஆதிசிவன் ஆலயத்தில் ஆலய பூசகர் உள்ளிட்ட 8 பேர் கைது செய்யப்பட்டமை தொடர்பில் காவல்துறை ஊடகப் பிரிவு நேற்று (09) வெளியிட்டுள்ள அறிக்கையிலேயே இவ்வாறு தெரிவிக்கப்பட்டுள்ளது.
குறித்த அறிக்கையில் மேலும் தெரிவிக்கப்பட்டுள்ளதாவது,
விஷேட பூஜைகள்
“நீதிமன்றத்தில் தற்போது வழக்கு விசாரணைகள் நிலுவையிலுள்ள போதிலும் நெடுங்கேணி காவல்துறை பிரிவில் உள்ள வெடுக்குநாறி மலையில் தொல்பொருள் நிலையப் பிரதேசத்தினுள் சிவராத்திரி பூஜையை நடாத்துவதற்கு அனுமதி வழங்கப்பட வேண்டும் என தொல்பொருள் பிரதேசத்தில் உள்ள இந்து ஆலய பூசகர் உள்ளிட்ட குழுவினர்களினால் வவுனியா நீதவான நீதிமன்றத்தில் இலக்கம் டீ 540/23 இன் கீழ் மனுதாக்கல் செய்யப்பட்டு அனுமதி கோரப்பட்ட போதிலும், அவ்வாறான விஷேட பூஜைகள் நடாத்துவதற்கு அனுமதி வழங்க முடியாது என நீதிமன்றம் கடந்த 2024 மார்ச் 04 ஆம் திகதியன்று தீர்ப்பு வழங்கியது.
மேலும், தொல்லியல் பிரதேசத்தில் பகல் நேரத்தில் சாதாரணமாக நடாத்தப்படும் வழிபாட்டு பூஜைகளுக்கு மேலதிகமாக விஷேட பூஜைகள் நடாத்துவதை தவிர்ப்பதற்கு நடவடிக்கை எடுக்கப்பட வேண்டும் என 2024 மார்ச் 06ஆம் திகதி தொல்பொருள் பதில் பணிப்பாளரினால் வட மாகாண சிரேஷ்ட காவல்துறை மா அதிபரிடம் விடுக்கப்பட்ட கோரிக்கையின் பிரகாரம் நேற்று முன்தினம் (08) சட்டம் மற்றும் ஒழுங்கை பாதுகாப்பதற்காக காவல்துறை உத்தியோகத்தர்கள், தொல்லியல் பிரதேசத்தில் பணியில் அமர்த்தப்பட்டனர்.
எவ்வாறாயினும், தொல்லியல் பிரதேசத்தில் மகா சிவராத்தரி தினத்தன்று 500 இற்கும் மேற்பட்ட பொதுமக்கள் வருகை தந்து சாதாரணமாக பூஜை வழிபாடுகள் செய்தனர்.
08 பேர் கைது
இரவு நேரத்தில் தொல்லியல் பிரதேசத்தில் பூசகர்கள் மற்றும் 40 பேரைக் கொண்ட குழுக்களால் நீதிமன்ற தீர்ப்பையும் மீறி தொல்பொருள் திணைக்களம் அல்லது வனப் பாதுகாப்பு திணைக்களத்தின் அனுமதியின்றி நேற்று (08) இரவு நேரத்தில் யாகம் செய்து விஷேட சிவராத்திரி பூஜைகள் நடாத்துவதற்கு நடவடிக்கை எடுக்கப்பட்டுள்ளது.
இரவு கடமையிலிருந்த காவல்துறை உத்தியோகத்தர்களால் அவ்வாறு செய்ய வேண்டாம் என தெரிவித்தபோதிலும் அவர்கள் அதனையும் மீறி தொடர்ந்து செயற்பட்டதுடன், நீதிமன்ற தீர்ப்பையும் மீறி நாட்டில் நிலவும் வரட்சியான காலநிலை காரணமாக வனப் பிரதேசத்தினுள் யாக பூஜைகள் நடாத்துவதன ஊடாக வனப் பிரதேசத்தில் தீ ஏற்பட்டு, அழிவடைவதற்கான சந்தர்ப்பம் உள்ளதால் வனப் பிரதேசத்தில் அத்துமீறி பிரவேசித்தமை மற்றும் சட்ட முரணற்ற வகையில் ஒன்று கூடிய மக்கள் கூட்டத்தைச் சேர்ந்தவர்கள் எனும் குற்றத்தின் கீழ் பிரதான பூசகருடன் 08 பேரை காவல்துறையினர் கைது செய்துள்ளனர்.
அவ்வாறு கைது செய்யப்பட்ட சந்தேகநபர்கள் நெடுங்கேணி, புளியங்குளம், கனகராயன்குளம், மாமடு ஆகிய பிரதேசத்தில் வசிக்கும் 24, 29, 30, 34, 37 வயதுடையவர்கள் என காவல்துறை ஊடகப் பிரிவு தனது ஊடக அறிக்கையில் தெரிவித்துள்ளமை குறிப்பிடத்தக்கது.
| செய்திகளை உடனுக்குடன் தெரிந்து கொள்ள IBC தமிழ் WHATSAPP CHANNEL இல் இணைந்து கொள்ளுங்கள்...! |
புங்குடுதீவு 5ம் வட்டாரம், மானிப்பாய், வண்ணார்பண்ணை, Vaughan, Canada
05 Jun, 2025
வதிரி, அம்பாந்தோட்டை, Oslo, Norway, London, United Kingdom, Sutton, United Kingdom
31 May, 2025
கரணவாய் மேற்கு, Urtenen-Schönbühl, Switzerland, பேர்ண், Switzerland
08 May, 2025
கோண்டாவில் கிழக்கு, கொழும்பு, New Jersey, United States, Winnipeg, Canada
28 Mar, 2025
நெடுந்தீவு, முரசுமோட்டை, Vancouver, Canada, Mississauga, Canada
19 May, 2024
Kuala Lumpur, Malaysia, மட்டுவில், கிளிநொச்சி, Scarborough, Canada
19 Jun, 2024
புங்குடுதீவு 11ம் வட்டாரம், London, United Kingdom, அரியாலை
19 May, 2024
வேலணை 4ம் வட்டாரம், Basel-City, Switzerland, Breitenbach, Switzerland
02 Jun, 2025
யாழ் நெடுந்தீவு கிழக்கு, Jaffna, நெடுந்தீவு, வவுனியா, Montreuil, France
31 May, 2025
