பொதுத்தேர்தலில் சுயேட்சையாக களமிறங்கவுள்ள தமிழ் விடுதலைப்புலிகள் கட்சி : வெளியான அறிவிப்பு

Sri Lanka President of Sri lanka General Election 2024 Sri Lanka General Election 2024

By Raghav Sep 28, 2024 11:42 AM GMT

Raghav

in அரசியல்

Report

எதிர்வரும் பொதுத் தேர்தலில் புனர்வாழ்வளிக்கப்பட்ட தமிழ் விடுதலைப்புலிகள் கட்சி சுயேட்சையாக வடக்கு கிழக்கில் போட்டியிட உள்ளதாக அக்கட்சியின் தலைவர் கே.இன்பராசா தெரிவித்துள்ளாார்.

மன்னாரில் (Mannar) இன்றையதினம் (28) இடம்பெற்ற ஊடக சந்திப்பின் போதே அவர் மேற்கண்டவாறு குறிப்பிட்டுள்ளார்.

மேலும் கருத்து தெரிவித்த அவர், "இடம்பெற்ற ஜனாதிபதி தேர்தலின் போது அதிகூடிய சிங்கள மக்களின் வாக்குகளால் வெற்றி பெற்று ஜனாதிபதியாக தெரிவு செய்யப்பட்டுள்ள அநுரகுமார திஸாநாயக்கவிற்கு புனர்வாழ்வளிக்கப்பட்ட தமிழ் விடுதலைப் புலிகள் கட்சியின் சார்பாக வாழ்த்துக்களை தெரிவித்துக் கொள்கிறோம்.

விடுதலைப் புலிகள் கட்சி

இந்த நிலையில் எதிர்வரும் நாடாளுமன்ற தேர்தலில் வடக்கு கிழக்கில் உள்ள 8 மாவட்டங்களில் புனர்வாழ்வளிக்கப்பட்ட தமிழ் விடுதலைப் புலிகள் கட்சியினர் சுயேட்சையாக போட்டியிட உள்ளோம்.

பொதுத்தேர்தலில் சுயேட்சையாக களமிறங்கவுள்ள தமிழ் விடுதலைப்புலிகள் கட்சி : வெளியான அறிவிப்பு | We Will Fight For Corruption Free Politics

தமிழ் மக்கள் தமது பூரண ஒத்துழைப்பை வழங்க வேண்டும். தேர்தல் குறித்து நாங்கள் உங்களை தேடி வருவோம். எங்களுக்கு பூரண ஆதரவை வழங்க வேண்டும்.

வடக்கு கிழக்கு மக்களுக்காக நாங்கள் எங்கள் உயிரையே அர்ப்பணித்தோம், அங்கவீனமாக்கப்பட்டுள்ளோம், அனாதரவாக்கப்பட்டுள்ளோம்.

எனவே முன்னாள் விடுதலைப் புலிகள் ஆகிய நாங்கள் இத்தேர்தலில் களமிறங்க உள்ளோம்.

ஊழல் அற்ற நடவடிக்கை

தற்போதைய ஜனாதிபதியின் ஊழல் அற்ற நடவடிக்கைகள் முன்னெடுக்கப்பட்டு வருகின்றமை போல் வடக்கு கிழக்கில் ஊழல் அற்ற அரசியலை முன்னெடுக்க நாங்கள் போராடுவோம்.

மன்னார் மாவட்ட முன்னாள் விடுதலைப் புலிகளும் எங்களுடன் இணைந்துள்ளனர். எனவே தமிழ் மக்களும் எங்களுக்கு பூரண ஒத்துழைப்பை வழங்க வேண்டும்" என அவர் மேலும் தெரிவித்துள்ளார்.