யால தேசிய வனத்தின் 2 வலயங்களுக்கு இன்று முதல் பூட்டு!
யால தேசிய வனத்தின் 1 ஆம் மற்றும் 2 ஆம் வளாகங்களை இன்று (14) முதல் தற்காலிகமாக மூடுவதற்கு தீர்மானித்துள்ளதாக வனஜீவராசிகள் திணைக்களம் அறிவித்துள்ளது.
அதற்கமைய இன்று முதல் ஒக்டோபர் 15 ஆம் திகதி வரையான காலப்பகுதியில் அந்த வளாகங்கள் மூடப்பட்டிருக்கும் என அந்த திணைக்களம் தெரிவித்துள்ளது.
அப்பகுதியில் நிலவும் வறட்சியான காலநிலை காரணமாக இந்த தீர்மானம் எடுக்கப்பட்டுள்ளதாக வனஜீவராசிகள் திணைக்களம் சுட்டிக்காட்டியுள்ளது.
எல் நினோ தாக்கம்
யால தேசிய வனம், 44 பாலூட்டி இனங்கள், 215 பறவை இனங்கள், 47 ஊர்வன இனங்கள் மற்றும் 21 மீன் இனங்களின் வாழிடமாக திகழ்கிறது.
இங்கு சுற்றுலாப் பயணிகளின் வருகை அதிகமுள்ள காலம் ஓகஸ்ட் முதல் மார்ச் வரை என்பதுடன், இம்முறை சுற்றுலாப் பருவத்தை எல் நினோ (El Niño) நிலைமை கடுமையாகப் பாதித்துள்ளது.
அதிக வெப்பமான வானிலை காரணமாக யால தேசிய வனத்தின் பல நீர்நிலைகள் வற்றிப் போயுள்ளதுடன், இதனால் பூங்காவில் வாழும் விலங்குகளுக்கு கடும் குடிநீர் தட்டுப்பாடும் ஏற்பட்டுள்ளது.
மேலும், அதிக வறட்சியான வானிலை காரணமாக மரங்கள், செடிகொடிகள் மற்றும் புல்வெளிகள் காய்ந்து போயுள்ளதால், யால பூங்காவின் விலங்குகள் உணவுப் பற்றாக்குறைக்கும் முகங்கொடுக்க நேரிட்டுள்ளது.
சுற்றுலாப் பயணிகளுக்காக மூடுதல்
இந்தநிலையில், நிலவும் சூழ்நிலையினால் விலங்குகளின் தாகத்தைத் தணிப்பதற்காக வனஜீவராசிகள் திணைக்கள அதிகாரிகள் கடும் பிரயத்தனத்தில் ஈடுபட்டு வருகின்றனர்.
அதன்படி, மாணிக்க கங்கையின் 4 இடங்களில் சூரிய மின்தகடு மோட்டார்களைப் பயன்படுத்தி பெறப்படும் நீரை, நிலத்தடி குழாய்கள் மூலம் பூங்காவில் உள்ள குளங்களுக்கு திறந்துவிட தற்போது நடவடிக்கை எடுக்கப்பட்டுள்ளது.
இது தவிர, தினமும் சுமார் 2 இலட்சம் லீற்றர் நீர் மூலம் கொண்டு செல்லப்பட்டு, பூங்காவின் செயற்கை மற்றும் இயற்கை குளங்களை நிரப்பும் பணியையும் வனஜீவராசிகள் அதிகாரிகள் மேற்கொண்டு வருகின்றனர்.
எனவே, நிலவும் வறட்சியான வானிலையால் உணவையும் நீரையும் தேடிச் செல்லும்போது விலங்குகளுக்கு ஏற்படும் இடையூறுகளைக் குறைப்பதற்காக, ஒரு மாத காலத்திற்கு யால தேசிய வனத்தின் வலயம் 01 மற்றும் 02 ஆகியவற்றை சுற்றுலாப் பயணிகளுக்காக மூடுவதற்கு வனஜீவராசிகள் மற்றும் வனப்பாதுகாப்புத் திணைக்களம் நடவடிக்கை எடுத்துள்ளமை குறிப்பிடத்தக்கது.
| செய்திகளை உடனுக்குடன் தெரிந்து கொள்ள IBC தமிழ் WHATSAPP CHANNEL இல் இணைந்து கொள்ளுங்கள்...! |
ஆட்சி மாறியது; அரசியல் கலாசாரம் மாறியதா..! 1 நாள் முன்
போராடுவதும், போராடிப் போராடியே இறப்பதுமாக நீளும் துயரம்…
6 நாட்கள் முன்
புங்குடுதீவு 6ம் வட்டாரம், புங்குடுதீவு, கிளிநொச்சி, கொழும்பு, Crawley, United Kingdom
15 Aug, 2026
சரசாலை வடக்கு, சுவிஸ், Switzerland, England, United Kingdom
14 Sep, 2020
மல்லாகம், யாழ்ப்பாணம், கொழும்புத்துறை, சுண்டுக்குழி, Brampton, Canada
12 Sep, 2026
நெடுந்தீவு மேற்கு, யோகபுரம், Paris, France, Tergnier, France, Chelmsford, United Kingdom
16 Aug, 2026
Sea Port Estate, Malaysia, Petaling Jaya, Malaysia, Montreal, Canada, Scarborough, Canada, Oakville, Canada
11 Sep, 2026
நெடுந்தீவு, யாழ்ப்பாணம், சிங்கப்பூர், Singapore, நியூஸ்லாந்து, New Zealand
13 Sep, 2021
நயினாதீவு 3ம் வட்டாரம், பருத்தித்துறை, அல்வாய் வடக்கு, சூரிச், Switzerland
10 Sep, 2021
உசன், Jaffna, Ibadan, Nigeria, Riyadh, Saudi Arabia, London, United Kingdom
05 Sep, 2026
