அழகாக இருக்கின்றீர்கள் புகைப்பழக்கத்தை நிறுத்துங்கள் : இத்தாலிய பிரதமருக்கு ‘அட்வைஸ்’
காசாவில் போர் நிறுத்தம் ஒப்பந்தத்தில் கையெழுத்திட நேற்று முன்தினம் உலக தலைவர்கள் எகிப்தில் கூடியவேளை இத்தாலி பிரதமர் ஜோர்ஜியா மெலோனியின் புகைப்பிடிக்கும் பழக்கம் தொடர்பாக துருக்கி ஜனாதிபதி ரெசெப் தையிப் எர்டோகன் கிண்டலாகப் பேசியது அனைவரின் கவனத்தையும் ஈர்த்தது.
மாநாட்டில் மெலோனியிடம் பேசிய எர்டோகன், "நீங்கள் விமானத்தில் இருந்து இறங்கியபோது பார்த்தேன்.
நீங்கள் மிகவும் அழகாக இருக்கிறீர்கள். ஆனால், உங்கள் கையில் சிகரெட் இருந்தது. இந்த பழக்கத்தை நீங்கள் கண்டிப்பாக நிறுத்த வேண்டும்" என்று கூறினார்.
பிரான்ஸ் ஜனாதிபதியின் நகைச்சுவை
எர்டோகானின் பேச்சைக் கேட்ட அருகில் இருந்த பிரான்ஸ் ஜனாதிபதி இம்மானுவேல் மக்ரோன் சிரித்துக்கொண்டே குறுக்கிட்டு, "அது அசாத்தியம்!" என்று நகைச்சுவையாகக் கருத்து தெரிவித்தார்.
இத்தாலிய பிரதமரின் பதில்
இதற்கு மெலோனியும் அதேபோல வேடிக்கையாகப் பதிலளித்தார். அதாவது, "எனக்குத் தெரியும். ஆனால், நான் புகைப்பிடிப்பதை நிறுத்தினால், எனக்கு எரிச்சல் அதிகமாகி, யாரையாவது ஏதாவது சொல்லிவிடுவேனோ!" என்று அஞ்சுவதாக கூறி சிரித்தார்.
இதுதொடர்பான காணொளி இணையத்தில் வைரலாகி வருகிறது.
🇹🇷🇮🇹 ERDOGAN TO MELONI: I HAVE TO MAKE YOU STOP SMOKING
— Mario Nawfal (@MarioNawfal) October 13, 2025
Erdogan:
"I saw you coming down from the plane.
You look great.
But I have to make you stop smoking."
Meloni:
"I know, I know.
I don't want to kill somebody"
Source: @ihacomtr https://t.co/FX7G3CR5g1 pic.twitter.com/glcfOZAA6Z
துருக்கியை புகைப்பழக்கம் இல்லாத நாடாக மாற்ற வேண்டும் என்ற தனது நோக்கத்தை எர்டோகான் அடிக்கடி கூறி வருகிறார்.
மறுபுறம், வெளிநாட்டுத் தலைவர்களுடன் நல்லுறவை வளர்த்துக் கொள்ள தனது புகைப்பழக்கம் உதவியதாக மெலோனி முன்பு ஒரு புத்தகத்தில் குறிப்பிட்டிருந்தமை குறிப்பிடத்தக்கது.
| செய்திகளை உடனுக்குடன் தெரிந்து கொள்ள IBC தமிழ் WHATSAPP CHANNEL இல் இணைந்து கொள்ளுங்கள்...! |
புதுக்குளம், Ilford, United Kingdom, பிரித்தானியா, United Kingdom
10 Jul, 2019
புங்குடுதீவு 11ம் வட்டாரம், மல்லாவி, ஆனைப்பந்தி, Toronto, Canada
21 Jul, 2025
