திருகோணமலையில இன்றுமாலை துயரம் : கடலில் நீராடிய இளைஞனுக்கு நேர்ந்த விபரீதம்

Trincomalee Sri Lanka Police Investigation Death

By Independent Writer Apr 12, 2026 01:15 PM GMT

Independent Writer

in சமூகம்

Report

Courtesy: Buharys Mohamed

திருகோணமலை சம்பூர் காவல்துறை பிரிவிலுள்ள சம்பூர் வெளிச்சவீடு (Foul Point) கடற்பரப்பில் நீராடச் சென்ற இளைஞர் ஒருவர் நீரில் மூழ்கி உயிரிழந்துள்ளதாக சம்பூர் காவல்துறையினர் தெரிவித்தனர்

இந்தச் சோகமான சம்பவம் இன்று (12) ஞாயிற்றுக்கிழமை பிற்பகல் 3:40 மணியளவில் இடம்பெற்றுள்ளது. சம்பவம் குறித்து தெரியவருவதாவது,

மூதூர், ஹைரியா நகர் பகுதியைச் சேர்ந்த 19 வயதுடைய எஸ்.எம். அப்லல் என்பவரே இவ்வாறு உயிரிழந்துள்ளார்.

நண்பர்களுடன் குளித்துக்கொண்டிருந்தபோது விபரீதம்

குறித்த இளைஞர் இன்று மாலை சம்பூர் வெளிச்சவீட்டு கடல் பகுதியில் நண்பர்களுடன் குளித்துக் கொண்டிருந்தபோது, திடீரென அலையினால் இழுத்துச் செல்லப்பட்டு நீரில் மூழ்கியுள்ளார்.

திருகோணமலையில இன்றுமாலை துயரம் : கடலில் நீராடிய இளைஞனுக்கு நேர்ந்த விபரீதம் | Young Man Died While Swimming In The Sambhur Sea

இளைஞன் காணாமல் போனதையடுத்து, அங்கிருந்த பொதுமக்கள் மற்றும் கடற்படையினர் இணைந்து மேற்கொண்ட தீவிர தேடுதல் நடவடிக்கையின் பின்னர் சடலம் மீட்கப்பட்டது.

சம்பூர் காவல்துறையினர் மேலதிக விசாரணை

உயிரிழந்தவரின் சடலம் தற்போது பிரேத பரிசோதனைக்காக மூதூர் தள வைத்தியசாலையில் வைக்கப்பட்டுள்ளது. இச்சம்பவம் தொடர்பில் சம்பூர் காவல்துறையினர் மேலதிக விசாரணைகளை முன்னெடுத்து வருகின்றனர்.