அகதிகள் படகு கவிழ்ந்ததில் 500க்கும் மேற்பட்டோர் மாயம்!

Myanmar Death

By Dharu Jul 16, 2026 09:54 AM GMT

Dharu

in உலகம்

Report

மியான்மர் கடற்கரைக்கு அப்பால் உள்ள கடற்பகுதியில் ரோஹிங்கியா ஏதிலிகளை ஏற்றிச் சென்ற இரண்டு படகுகள் கவிழ்ந்ததில், 500க்கும் மேற்பட்டோர் காணாமல் போயுள்ளதாக வெளிநாட்டு ஊடகங்கள் தெரிவிக்கின்றன.

ஐக்கிய நாடுகள் சபை அறிவித்தபடி, இந்த விபத்தில் மியான்மரிலிருந்து தப்பி வந்த ரோஹிங்கியா ஏதிலிகள் குழுவினர் ஈடுபட்டிருந்தனர்.

நிலவிய மோசமான வானிலை மற்றும் கடலின் கொந்தளிப்பான தன்மை ஆகியவற்றையும் பொருட்படுத்தாமல், கப்பல் அதிக சுமையுடன் பாதுகாப்பற்ற முறையில் பயணித்ததாலேயே இந்த விபத்து நிகழ்ந்ததாக முதற்கட்ட விசாரணையில் தெரியவந்துள்ளது.

மனிதாபிமான நெருக்கடி

ரோஹிங்கியர்கள் என்பவர்கள், பங்களாதேஷ் எல்லையை ஒட்டியுள்ள மியான்மரின் ரகைன் மாநிலத்தில் வசிக்கும் ஒரு முஸ்லிம் சிறுபான்மையினர் ஆவர்.

அகதிகள் படகு கவிழ்ந்ததில் 500க்கும் மேற்பட்டோர் மாயம்! | 500 People Missing After Refugee Boat Capsizes

மியான்மரில் அவர்கள் எதிர்கொள்ளும் கடுமையான இன மற்றும் மத ரீதியான துன்புறுத்தல்கள் மற்றும் மனிதாபிமான நெருக்கடி காரணமாக, அவர்கள் பல ஆண்டுகளாக அகதிகளாகப் படகுகள் மூலம் ஆபத்தான முறையில் பிற நாடுகளுக்குத் தப்பிச் செல்ல முயன்று வருகின்றனர்.

காணாமல் போனவர்களைத் தேடும் பணிகளை சம்பந்தப்பட்ட துறைகள் ஏற்கனவே தொடங்கிவிட்டன, மேலும் இறப்பு எண்ணிக்கை மேலும் உயரக்கூடும் என வெளிநாட்டு அறிக்கைகள் சந்தேகிக்கின்றன.