வாழைச்சேனையில் துப்பாக்கி வெடித்து ஒருவர் பலி
மட்டக்களப்பு - வாழைச்சேனை காவல்துறை பிரிவில் உள்ள சூடுபத்தினசேனை காட்டை அண்டிய பகுதியில் நண்பர் ஒருவருடன் கொக்குகளை வேட்டையாட சென்ற ஒருவர் துப்பாக்கி வெடித்து உயிரிழந்துள்ளார்.
குறித்த சம்பவமானது, நேற்று(12) மாலை இடம்பெற்றுள்ளதாக வாழைச்சேனை காவல்துறையினர் தெரிவித்துள்ளனர்.
சம்பவம் தொடர்பில் மேலும் தெரியவருகையில், உயிரிழந்தவரும் அவரது நண்பனான 52 வயதுடைய ஆகிய இருவரும் இரவு உணவுக்காக கொக்கு இறைச்சியை கொண்டுவருவதற்காக சம்பவதினமான நேற்று 5 மணியளவில் வீட்டில் இருந்து அரச அனுமதி பெற்ற சொட்கண் துப்பாகியுடன் கொக்குகளை சுட்டு வேடையாட சென்றுள்ளனர்.
ஆரம்பக்கட்ட விசாரணை
இந்தநிலையில், கொக்குகளை குறிபாத்து சுட எத்தனித்த போது துப்பாகி வெடித்ததில் துப்பாக்கியை இயக்கியவரின் கழுத்துபகுதியில் குண்டு பாய்ந்து ஸ்தலத்திலேயே உயிரிழந்துள்ளதாக காவல்துறையினரின் ஆரம்பக்கட்ட விசாரணைகளில் தெரியவந்துள்ளது.
சம்பவம் தொடர்பில் காவல்துறையினருக்கு தெரியவந்ததையடுத்து சம்பவ இடத்திற்கு தடவியல் பிரிவு காவல்துறையினர் வரவழைக்கப்பட்டு விசாரணைகள் இடம்பெற்றுள்ளது.
அதன்போது, வாழைச்சேனை செம்மன்ஓடையைச் சேர்ந்த 32 வயதுடைய அத்துல் காதர் இம்தியாஸ்
என்பவரே இவ்வாறு உயிரிழந்துள்ளார்.
மேலதிக விசாரணை
அதேவேளை, நீதிமன்ற அனுமதியை பெற்று சடலத்தை பிரேத பரிசோதனைக்காக வைத்தியசாலையில் ஒப்படைப்பதற்கான நடவடிக்கையை மேற்கொள்ளப்பட்டு வருவதாக காவல்துறையினர் தெரிவித்துள்ளனர்.
இது தொடர்பான மேலதிக விசாரணைகளை வாழைச்சேனை காவல்துறையினர் மேற்கொண்டு வருகின்றனர்.
செய்திகளை உடனுக்குடன் தெரிந்து கொள்ள IBC தமிழ் WHATSAPP CHANNEL இல் இணைந்து கொள்ளுங்கள்...! |
புங்குடுதீவு 1ம் வட்டாரம், புங்குடுதீவு, India, Lausanne, Switzerland
09 Aug, 2025
புங்குடுதீவு 10ம் வட்டாரம், ஆனைக்கோட்டை, கொழும்பு, Scarborough, Canada
19 Jul, 2026
