பண்டிகை காலத்தை முன்னிட்டு விசேட பாதுகாப்பு திட்டம்

Sri Lanka Police Sri Lanka

By Beulah Dec 22, 2023 01:37 AM GMT

Beulah

in சமூகம்

Report

பண்டிகை காலத்தை முன்னிட்டு விசேட பாதுகாப்பு திட்டம் நடைமுறைப்படுத்தப்படவுள்ளது.

நத்தார் தினத்தன்று அனைத்து தேவாலயங்களுக்கு அருகிலும் மக்களின் பாதுகாப்பு கருதி காவல்துறையினர் கடமைகளில் ஈடுபடவுள்ளதாக காவல்துறை ஊடகப் பேச்சாளர், சிரேஷ்ட காவல்துறை அத்தியட்சகர், சட்டத்தரணி நிஹால் தல்தூவ தெரிவித்துள்ளார்.

அத்துடன், அதற்காக பதில் காவல்துறை மா அதிபர் ஏற்கனவே இரண்டு விசேட சுற்று நிருபங்களை வெளியிட்டுள்ளதாக அவர் சுட்டிக்காட்டியுள்ளார்.

பொதுமக்கள் அதிகமாக நடமாடும் இடங்களில் சிவில் உடையிலும் காவல்துறை உத்தியோகத்தர்கள் பாதுகாப்புக்காக ஈடுபடுத்தப்பட்டுள்ளதாக அவர் குறிப்பிட்டார்.

விசேட போக்குவரத்து சேவை

இதேவேளை, எதிர்வரும் பண்டிகை காலத்தை முன்னிட்டு இன்று (22) முதல் விசேட பேருந்து மற்றும் ரயில் சேவையை ஆரம்பிக்க திட்டமிடப்பட்டுள்ளது.

பண்டிகை காலத்தை முன்னிட்டு விசேட பாதுகாப்பு திட்டம் | A Special Security Scheme For The Festive Season

கிறிஸ்மஸ் மற்றும் பாடசாலை விடுமுறை நாட்களில் சொந்த ஊர்களுக்கு செல்லும் மக்களுக்காக விசேட பேருந்து மற்றும் ரயில் சேவைகள் முன்னெடுக்கப்பட்டுள்ளதாக குறிப்பிடப்படுகின்றது.

இதன்படி நாளை முதல் நீண்ட தூர சேவைகளுக்காக 100 மேலதிக பேருந்துகள் சேவையில் ஈடுபடுத்தப்படும் என இலங்கை போக்குவரத்து சபை அறிவித்துள்ளது.