இலங்கை தூதுவர் வேலுப்பிள்ளை கனநாதனை அழைக்கும் லைபீரியா!
ஆபிரிக்க நாடான லைபீரியாவில் அதிபர் மற்றும் நாடாளுமன்ற தேர்தல்களைக் கண்காணிக்கவும் மேற்பார்வையிடவும் கென்யாவிற்கான இலங்கைத் தூதுவர் வேலுப்பிள்ளை கனநாதனுக்கு லைபீரியா அரசாங்கம் அழைப்பு விடுத்துள்ளது.
அவர் கடந்த காலங்களில், கென்யா, நைஜீரியா, சியரா லியோன் மற்றும் சிம்பாப்வே ஆகிய நாடுகளில் தேர்தல் பார்வையாளராக கடமையாற்றியுள்ளார்.
அத்தோடு தேர்தல் பார்வையாளராக இலங்கை தூதுவர் கனநாதனின் திறமையை நாடிய ஐந்தாவது ஆபிரிக்க நாடு லைபீரியாவாகும்.
நாடாளுமன்ற தேர்தல்கள்
மேலும், ஜனநாயகத் தேர்தல்கள் மூலம் மக்களின் குரல் ஒலிக்கப்படுவதை உறுதி செய்வதில் அவரது அசைக்க முடியாத அர்ப்பணிப்பிற்காகவும், பிராந்தியத்தில் நம்பகமான ஆளுமையான அவரது நற்பெயருக்காகவும் இலங்கையின் தூதுவர் கனநாதனுக்கு லைபீரிய அரசாங்கம் அழைப்பு விடுத்துள்ளது.
இந்நிலையில் லைபீரியாவில் அதிபர் மற்றும் நாடாளுமன்ற தேர்தல்கள் ஒக்டோபர் 10ஆம் திகதி நடைபெறவுள்ளமை குறிப்பிடத்தக்கது.
புங்குடுதீவு 11ம் வட்டாரம், புங்குடுதீவு 10ம் வட்டாரம், சுவிஸ், Switzerland, கொழும்பு
12 Mar, 2026
