மாத இறுதியில் எரிபொருள் விலை பற்றி வெளியான அறிவிப்பு
உலக சந்தையில் எரிபொருள் விலை அதிகரித்து வரும் நிலையில், இலங்கையில் எரிபொருள் விலையை திருத்துவது தொடர்பில் அரசாங்கம் தற்போது பரிசீலித்து வருவதாக அமைச்சர் வைத்தியர் நளிந்த ஜயதிஸ்ஸ தெரிவித்துள்ளார்.
எரிபொருள் விலை அதிகரிப்பின் முழுச் சுமையையும் மக்கள் மீது சுமத்தாமல், அரசாங்கத்தின் ஊடாக ஒரு பகுதியை நிவாரணமாக வழங்குவது தொடர்பில் கலந்துரையாடப்பட்டு வருவதாகவும் அமைச்சர் தெரிவித்துள்ளார்.
இதற்காக திறைசேரியிலுள்ள நிதியில் ஒரு பகுதியை பயன்படுத்தி, அதிகரித்து வரும் எரிபொருள் விலையின் தாக்கத்தை குறைப்பதற்கான நடவடிக்கைகளை மேற்கொள்ள அரசாங்கம் எதிர்பார்ப்பதாக அவர் குறிப்பிட்டுள்ளார்.
நளிந்த ஜயதிஸ்ஸ
எனினும், நிவாரணமாக வழங்கப்படவுள்ள தொகை தொடர்பில் இதுவரை இறுதி தீர்மானம் எடுக்கப்படவில்லை எனவும் அமைச்சர் தெரிவித்துள்ளார்.
உலக சந்தையில் எரிபொருள் விலை அதிகரிக்கும் ஒவ்வொரு சந்தர்ப்பத்திலும் அதன் முழுச் சுமையையும் மக்கள் மீது சுமத்துவதற்கு பதிலாக, திறைசேரியின் ஊடாக மக்களுக்கு நிவாரணம் வழங்க முடியுமா என்பது குறித்து அரசாங்கம் தொடர்ந்து கவனம் செலுத்தி வருவதாகவும் அவர் தெரிவித்துள்ளார்.
இந்த நடவடிக்கை எரிபொருள் விலை அதிகரிப்பின் தாக்கத்தைக் குறைப்பதுடன், பொருட்கள் மற்றும் சேவைகளின் விலைகளை ஒரு குறிப்பிட்ட மட்டத்தில் பேணுவதற்கும் உதவும் என அமைச்சர் நளிந்த ஜயதிஸ்ஸ மேலும் தெரிவித்துள்ளார்.
| செய்திகளை உடனுக்குடன் தெரிந்து கொள்ள IBC தமிழ் WHATSAPP CHANNEL இல் இணைந்து கொள்ளுங்கள்...! |
யாழ்ப்பாணம், வவுனியா, கனடா, Canada, Montreal, Canada
31 Aug, 2015
