மாறும் சமூக அறிவியலே அரசியல் என்கிறார் அனுர: நாட்டில் மக்கள் பலத்தை நிரூபித்த ஜே.வி.பி!
அரசியல் என்பது ஒரு மாறும் சமூக அறிவியல் தானே தவிர கணித சமன்பாடு அல்ல என தேசிய மக்கள் சக்தி கட்சியின் தலைவர் அனுரகுமார திஸாநாயக்க (Anura Kumara Dissanayakke) தெரிவித்துள்ளார்.
கொழும்பில் (Colombo) நடைபெற்ற கூட்டமொன்றில் கலந்துக் கொண்டு கருத்து தெரிவிக்கும் போதே, அவர் இதனை குறிப்பிட்டுள்ளார்.
இது தொடர்பாக அவர் மேலும் தெரிவிக்கையில், "கடந்த காலத்தில் மூன்று வீத வாக்குகளை பெற்ற ஜே.வி.பியினால் தற்போது 51 வீத வாக்குகளை பெறமுடியாது என்று கணிதத் துல்லியத்துடன் வாதிடுகிறார்கள்.
கணித சமன்பாடு
ஆனாலும், அரசியல் என்பது ஒரு கணித சமன்பாடு அல்ல இது ஒரு மாறும் சமூக அறிவியல். எனவே, அரசியல் இயற்கணிதமாக இருந்தால், 6.9 மில்லியன் வாக்குகளைப் பெற்ற கோட்டாபய ராஜபக்ச(Gotabaya Rajapaksa) இன்னும் அதிபராக இருப்பார்.
மேலும், நாடாளுமன்றத்தில் மூன்றில் இரண்டு பங்கு பெற்றுள்ள மகிந்த ராஜபக்ச(Mahinda Rajapaksa) பிரதமராக தொடர்ந்திருப்பார்” என அவர் சுட்டிக்காட்டியுள்ளார்.
அரசியல் பலம்
இந்நிலையில், 2024 ஆம் ஆண்டு மே தினத்தில் தொழிலாளர்களின் உரிமைகள் குறித்து பேசப்பட்டதை விட அரசியல் பலத்தைக்காட்டும் செயற்பாடுகளே அதிகமாக இருந்ததாக செய்தித்தளமொன்று செய்தி வெளியிட்டுள்ளது.
குறித்த செய்தியில், “பொதுஜன பெரமுன, ஐக்கிய தேசியக் கட்சி, ஐக்கிய மக்கள் சக்தி மற்றும் தமிழரசுக்கட்சி என அனைத்துக் கட்சிகளும் தமது பலத்தை காட்ட மக்களை ஒன்று திரட்டின.
எனினும், ஒட்டுமொத்தமாக பார்க்கின்ற போது ஜே.வி.பியின் தலைமையிலான தேசிய மக்கள் சக்தியின் மக்கள் பலம் அல்லது வாக்கு பலம் நிரூபிக்கப்பட்டுள்ளது.
மேதினக்கூட்டம்
வழமையாக கொழும்பில் ஒரு மே தினக்கூட்டத்தை நடத்தும் ஜே.வி.பி இந்த தடவை நாட்டின் நான்கு இடங்களில் கூட்டங்களை ஏற்பாடு செய்திருந்ததுடன் யாழ்ப்பாணம், அனுராதபுரம், கொழும்பு மற்றும் மாத்தறையில் நான்கு பேரணிகளை நடத்தியது.
இதன்படி, மிகக்குறைவான வாக்குப்பதிவு யாழ்ப்பாணத்தில் இருந்ததுடன் வழமையாக கார்ல் மார்க்ஸ், ஏங்கெல்ஸ், லெனின் மற்றும் ரோஹன விஜேவீரவின் பேரணிகளில் காட்சிப்படுத்தப்படும்.
எனினும், இந்த தடவை புதிய அடையாளத்துடன் புதிய அரசியல் அமைப்பாக தேசிய மக்கள் சக்தி வெளிப்பட்டது. அந்தக் கட்சிக்கான சர்வதேச அங்கீகாரத்தின் பின்னணியில் இந்த மாற்றம் வந்துள்ளதை அவதானிக்க முடிந்தது” என தெரிவிக்கப்பட்டுள்ளது.
செய்திகளை உடனுக்குடன் தெரிந்து கொள்ள IBC தமிழ் WHATSAPP இல் இணைந்து கொள்ளுங்கள்...! |
இடைக்காடு, Muscat, Oman, நியூ யோர்க், United States, Boston, United States
14 May, 2025
கொழும்பு, High Wycombe, United Kingdom, Buckinghamshire, United Kingdom
11 May, 2025
ஆவரங்கால், Bremerhaven, Germany, Fribourg, Switzerland, Chennai, India
24 May, 2021
அச்சுவேலி, சுன்னாகம், யாழ்ப்பாணம், London, United Kingdom
19 May, 2025
புங்குடுதீவு 9ம் வட்டாரம், கிளிநொச்சி, டென்மார்க், Denmark, London, United Kingdom
01 Jun, 2015
