அரவிந்த டி சில்வா தம்பதியின் ரூ. 40 மில்லியன் பிணை அரசுடைமை! நீதிமன்று உத்தரவு
முன்னாள் கிரிக்கெட் வீரர் அரவிந்த டி சில்வா மற்றும் அவரது மனைவி பிரியங்கி நியோமாலி விஜேநாயக்க ஆகியோர் பிணையாக செலுத்தியிருந்த பணத்தை அரசுடைமையாக்குமாறு கொழும்பு கோட்டை நீதவான் பசன் அமரசேன இன்று (30) உத்தரவிட்டார்.
சிறிலங்கன் எயார்லைன்ஸ் நிறுவனத்தின் முன்னாள் பிரதம நிறைவேற்று அதிகாரி கபில சந்திரசேனவின் மனைவியான பிரியங்கா நியோமாலி விஜேநாயக்க சார்பாகப் பிணை நின்றநிலையில் அவர் நீதிமன்றில் முன்னிலையாகாததை அடுத்தே நீதிமன்றம் மேற்கண்ட உத்தரவை பிறப்பித்தது
இரண்டு சரீரப் பிணைகளில் விடுவிக்கப்பட்ட பிரியங்கா நியோமாலி
சர்ச்சைக்குரிய எயார்பஸ் (Airbus) விமானக் கொள்வனவு கொடுக்கல் வாங்கல் தொடர்பான வழக்கில் இரண்டாவது சந்தேகநபராகப் பெயரிடப்பட்டுள்ள பிரியங்கா நியோமாலி விஜேநாயக்க, தலா 20 மில்லியன் ரூபாய் பெறுமதியான இரண்டு சரீரப் பிணைகளில் ஏற்கனவே விடுவிக்கப்பட்டிருந்தார்.
அதன்படி, இன்றைய வழக்கு விசாரணையின்போது, பிணையாளர்கள் சார்பில் ஆஜரான சட்டத்தரணி, பிணைப் பணத்தில் 20 மில்லியன் ரூபாயை இன்றைய தினமே நீதிமன்றத்தில் வைப்புச் செய்வதாகத் தெரிவித்தார்.
அதற்கு அனுமதியளித்த நீதவான், எஞ்சிய பிணைத் தொகையை வைப்புச் செய்வதற்கு எதிர்வரும் ஒக்டோபர் 14 ஆம் திகதி வரை கால அவகாசம் வழங்கி உத்தரவிட்டார்.
பிணையாளர்களுக்குச் சலுகை வழங்குமாறு கோரிக்கை
சந்தேகநபர் பிரியங்கா நியோமாலி தொடர்ந்து நீதிமன்றத்தில் ஆஜராகாது தலைமறைவாக உள்ளதால், அவருக்கு எதிராகப் பிடியாணை பிறப்பிக்கப்பட்டுள்ளதுடன், அதனைச் சர்வதேச காவல்துறையினர் (Interpol) ஊடாக அமுல்படுத்தவும் நடவடிக்கை எடுக்கப்பட்டுள்ளது.
முன்னதாக, பிணையாளர்கள் சார்பில் மன்றில் கருத்தை முன்வைத்த சட்டத்தரணி, "சந்தேகநபரின் கணவர் உயிரை மாய்த்துக் கொண்டமை மற்றும் தமது உயிருக்கு ஏற்பட்டுள்ள தீவிர அச்சுறுத்தல் காரணமாக அவர் நாடு திரும்புவதற்கு அச்சப்படுகிறார். தற்போதைய சூழலில் சந்தேகநபர் பிணையாளர்களின் கட்டுப்பாட்டில் இல்லை," எனக் கூறி, பிணையாளர்களுக்குச் சலுகை வழங்குமாறு கோரிக்கை விடுத்தார்.
எனினும், சந்தேகநபர் பிணையில் விடுவிக்கப்பட்ட நிலையில் வெளிநாடு சென்றதுடன், கணவர் கபில சந்திரசேன உயிரிழப்பதற்கு முன்னரே நீதிமன்றத்தில் ஆஜராகாமல் பிடியாணை பிறப்பிக்கப்பட்டவர் என்பதைச் சுட்டிக்காட்டிய நீதவான், பிணையாளர்களுக்குச் சலுகை வழங்கக் கோரிய விண்ணப்பத்தை நிராகரித்தார்.
இதேவேளை, இந்த வழக்கின் மூன்றாவது சந்தேகநபராகக் குறிப்பிடப்பட்டுள்ள முன்னாள் சபாநாயகர் சமல் ராஜபக்சவின் புதல்வர் ஷமீந்திர ராஜபக்சவுக்கும் ஏற்கனவே சர்வதேச பிடியாணை பிறப்பிக்கப்பட்டுள்ளதாக நீதிமன்ற நடவடிக்கைகளின்போது தெரிவிக்கப்பட்டது.
| செய்திகளை உடனுக்குடன் தெரிந்து கொள்ள IBC தமிழ் WHATSAPP CHANNEL இல் இணைந்து கொள்ளுங்கள்...! |
புங்குடுதீவு 3ம் வட்டாரம், கொட்டாஞ்சேனை, Vaughan Ontario, Canada
03 Oct, 2026
கரவெட்டி மேற்கு, Lewisham, United Kingdom
12 Sep, 2003
யாழ்ப்பாணம், நெடுந்தீவு, பண்டத்தரிப்பு, Goslar, Germany, Breda, Netherlands, Montreal, Canada
29 Sep, 2026
