அத்துருகிரிய துப்பாக்கிச் சூடு : கிளப் வசந்தவின் மனைவி குறித்து வெளியான புதிய தகவல்
கொழும்பு (Colombo) - அத்துருகிரியவில் (Athurugiriya) அண்மையில் சுட்டுக்கொல்லப்பட்ட வசந்த பெரேராவின் மனைவி குறித்து புதிய தகவல் வெளியாகியுள்ளது.
கிளப் வசந்தவின் மனைவி தற்போது பொது நோயாளர் விடுதிக்கு மாற்றப்பட்டுள்ளதுடன் அவரது உடல்நிலையில் முன்னேற்றம் ஏற்பட்டுள்ளதாக வைத்தியசாலை வட்டாரங்கள் தெரிவிக்கின்றன.
இதேவேளை, கொலையுடன் தொடர்புடைய பெண் உட்பட மேலும் பலர் கைது செய்யப்பட உள்ளதாக தெரிவிக்கப்படுகின்றது.
கிளப் வசந்த சுட்டுக்கொலை
கடந்த 8 ஆம் திகதி அத்துருகிரியவில் வைத்து கிளப் வசந்த என அழைக்கப்படும் சுரேந்திர வசந்த பெரேரா சுட்டுக் கொல்லப்பட்டார்.
இதன்படி, விசாரணைகளை மேற்கொண்ட காவல்துறையினர் 7 சந்தேகநபர்களை கைது செய்து நீதிமன்றில் முன்னிலைப்படுத்திய பின்னர் ஜூலை 22 ஆம் திகதி வரை விளக்கமறியலில் வைக்கப்பட்டுள்ளனர்.
சம்பவம் தொடர்பான நீண்ட விசாரணையின் பின்னர், கொலையுடன் தொடர்புடைய பெண் உட்பட மேலும் பல சந்தேகநபர்களை காவல்துறையினர் கண்டுபிடித்துள்ளனர்.
காவல்துறையினர் விசாரணை
குறித்த கொலையின் பின்னர் துப்பாக்கிச்சூட்டைநடத்தியவர்கள் தப்பிச் செல்வதற்காக விசேட பேருந்து ஒன்றை தயார் செய்யப்பட்டுள்ளதாக காவல்துறையினரின் மேலதிக விசாரணைகளில் தெரியவந்துள்ளது.
இந்த நிலையில் கொலையுடன் தொடர்புடைய சந்தேகநபர்கள் இருவரும் தமது குழுவினருடன் இணைந்து 6 மாத காலத்திற்கு 6 இலட்சம் ரூபாவை செலுத்தி அத்துருகிரிய பிரதேசத்தில் வாடகை வீடொன்றையும் பெற்றுள்ளமை விசாரணைகளில் வெளியாகியுள்ளது.
இதற்கமைய, சம்பவம் தொடர்பில் காவல்துறையினர் மேலதிக விசாரணைகளை முன்னெடுத்து வருகின்றமை குறிப்பிடத்தக்கது.
| செய்திகளை உடனுக்குடன் தெரிந்து கொள்ள IBC தமிழ் WHATSAPP CHANNEL இல் இணைந்து கொள்ளுங்கள்...! |
மலேசியா, Malaysia, மானிப்பாய், Duisburg, Germany, London, United Kingdom
10 Jul, 2026
புதுக்குளம், Ilford, United Kingdom, பிரித்தானியா, United Kingdom
10 Jul, 2019
புங்குடுதீவு 11ம் வட்டாரம், மல்லாவி, ஆனைப்பந்தி, Toronto, Canada
21 Jul, 2025
