இரண்டு சதவீத பணவீக்க இலக்கை எட்டியுள்ள பிரித்தானியா
Raghav
in ஐக்கிய இராச்சியம்
பிரித்தானியாவின் (United Kingdom) பணவீக்கம் இரண்டு சதவீத இலக்கை எட்டியுள்ளதாக பிரித்தானிய வங்கி (Bank of England’s) தெரிவித்துள்ளது.
கடந்த 2021 ஜூலை மாதம், இறுதியாக இரண்டு சதவீத பணவீக்க இலக்கை எட்டியிருந்த பிரித்தானிய வங்கி, அதன் பின்னர், முதன்முறையாக மூன்று வருடங்களுக்கு பின்னர், தற்போது பணவீக்க இலக்கை எட்டியுள்ளதாக பிரித்தானிய ஊடகங்கள் செய்தி வெளியிட்டுள்ளன.
எதிர்வரும், ஜுலை மாதம் 4 ஆம் திகதி பிரித்தானியாவில் தேர்தல் நடைபெறவுள்ள நிலையில், பணவீக்கத்தின் இலக்கு குறித்து பிரதமர் ரிஷி சுனக் (Rishi Sunak) தனது மகிழ்ச்சியை வெளிப்படுத்தியுள்ளார்.
சமூக ஆராய்ச்சி
இந்த நிலையில், ஜூன் முதல் பணவீக்கம் ஓரளவு மீண்டு வருவதாக தேசிய பொருளாதார மற்றும் சமூக ஆராய்ச்சி நிறுவனத்தின் பொருளாதார நிபுணர் பாலா பெஜரானோ கார்போ (Paula Bejarano Carbo) தெரிவித்துள்ளார்.
பணவீக்கம் இலக்கை நோக்கி திரும்பியுள்ளதாகவும், இதன் நன்மைகளை மக்கள் உணர்வார்கள் எனவும் தெரிவித்துள்ள அவர், வாழ்க்கைச் செலவு சுமைகளும் குறைவடையும் என குறிப்பிட்டுள்ளார்.
இது குறித்து கருத்து வெளியிட்டுள்ள, தொழிற்கட்சியின் துணை தலைவர் ரேச்சல் ரீவ்ஸ் (rachel reeves) குறைந்த பணவீக்க எண்ணிக்கை வரவேற்கத்தக்கது. எனினும் மக்கள் இன்னும் போராடி வருவதாகவும், பணவீக்கம் உயரத் தொடங்கிய கடந்த 2021 ஆம் ஆண்டை விட விலைகள் 20 சதவீதத்தால் அதிகரித்துள்ளதாகவும் சுட்டிக்காட்டியுள்ளார்.
செய்திகளை உடனுக்குடன் தெரிந்து கொள்ள IBC தமிழ் WHATSAPP இல் இணைந்து கொள்ளுங்கள்...! |
Ipoh, Malaysia, கொக்குவில், கோயம்புத்தூர், India, New Jersey, United States
09 Sep, 2025
அல்வாய் தெற்கு, Montreuil, France, London, United Kingdom
25 Sep, 2025
ஆவரங்கால், கொழும்பு, London, United Kingdom
05 Oct, 2025
கோண்டாவில், சுண்டிக்குளி, Vancouver, Canada, Brampton, Canada
05 Oct, 2025
யாழ் அல்லைப்பிட்டி கிழக்கு, Jaffna, கொழும்பு, Markham, Canada
04 Oct, 2023
