மின்சார சபை ஊழியர்களுக்கு எதிராக சட்ட நடவடிக்கை : கஞ்சன விஜேசேகர பணிப்புரை

இலங்கை மின்சார சபையின் சேவைகளுக்கு இடையூறு விளைவிக்கும் ஊழியர்களுக்கு எதிராக சட்ட நடவடிக்கைகளை எடுக்குமாறு மின்சக்தி மற்றும் எரிசக்தி அமைச்சர் கஞ்சன விஜேசேகர பணிப்புரை விடுத்துள்ளார்.

கொழும்பில் அமைந்துள்ள சபையின் மின்சார சபையின் பிரதான காரியாலயத்திற்கு முன்பாக இன்று (3) பாரிய ஆர்ப்பாட்டமொன்று முன்னெடுக்கப்பட்ட நிலையிலேயே, அவர் இதனை தமது உத்தியோகப்பூர்வ ட்விட்டர் தளத்தில் கூறியுள்ளார்.

சிறிலங்கா அதிபர் ரணில் விக்ரமசிங்கவுடன் இணைந்து மின்சார சபையை விற்பனை செய்ய கஞ்சன விஜேசேகர முயற்சிப்பதாக மின்சார ஊழியர் சங்கத்தின் பிரதம செயலாளர் ரஞ்சன் ஜெயலால் குற்றம் சாட்டியுள்ளார்.

எதிர்ப்பு ஆர்ப்பாட்டங்கள்

அத்துடன், இன்று முதல் மூன்று நாட்களுக்கு இலங்கை மின்சார சபையின் தலைமை அலுவலகத்திற்கு முன்பாக மாபெரும் ஆர்ப்பாட்டங்கள் நடத்தப்படவுள்ளதாகவும் அவர் தெரிவித்திருந்தார்.

வற் வரி தொடர்பில் கருத்து வெளியிடும் அரசியல் கட்சிகள் : பொய் பிராச்சாரங்களை மேற்கொள்வதாக குற்றச்சாட்டு (படங்கள்)

இதனடிப்படையில், கொழும்பில் அமைந்துள்ள சபையின் பிரதான காரியாலயத்திற்கு முன்பாக இன்று ஆர்ப்பாட்டமொன்று முன்னெடுக்கப்பட்டது.

இந்த நிலையில், சபையின் சேவைகளுக்கு இடையூறு விளைவிக்கும் ஊழியர்களுக்கு எதிராக சட்ட நடவடிக்கைகளை எடுக்குமாறு கஞ்சன விஜேசேகர பணிப்புரை விடுத்துள்ளார்.

அத்துடன், தேவையேற்படின் அவர்களை தற்காலிக பணி நீக்கம் செய்யுமாறும் அவர் கூறியுள்ளார்.

நாடாளுமன்றத்தில் சமர்ப்பிக்கப்படவுள்ள சட்டமூலம்

அத்துடன், இலங்கை மின்சார சபையை மறுசீரமைக்கும் உத்தேச சட்டமூலம் திருத்தங்களுடன் நாடாளுமன்றத்தில் சமர்ப்பிக்கப்படுமெனவும் அவர் குறிப்பிட்டுள்ளார்.

Instructions have been given to the CEB management to suspend and take appropriate disciplinary action against any employee that disrupts the services or acts in violation of the guidelines issued by the CEB management.

The proposed reforms of CEB will be presented to the…

— Kanchana Wijesekera (@kanchana_wij) January 3, 2024

இதேவேளை, மின்சார கட்டணத்தை குறைப்பது தொடர்பான முன்மொழிவு ஸ்ரீலங்கா பொதுப்பயன்பாடுகள் ஆணைக்குழுவிடம் எதிர்வரும் நாட்களில் முன்வைக்கப்படுமெனவும் அவர் கூறியுள்ளார். 

ரணிலின் யாழ் விஜயம்: காவல்துறையினரின் கோரிக்கையை நிராகரித்த நீதிமன்றம்