200 ஆண்டுகளுக்கு மேலான சிறை தண்டனை தீர்ப்பை சவால் செய்ய தயாராகும் குற்றவாளிகள்
2019-ஆம் ஆண்டு ஈஸ்டர் ஞாயிறு அன்று நடந்த தற்கொலைத் தாக்குதல்கள் தொடர்பாகத் தண்டிக்கப்பட்ட பதினைந்து பேரும், தங்களுக்கு விதிக்கப்பட்ட 200 ஆண்டுகளுக்கும் மேலான சிறைத் தண்டனையை எதிர்த்து மேல்முறையீடு செய்வார்கள் என்று அவர்களது சட்டத்தரணி ஒருவர் தெரிவித்துள்ளார்.
ஐ.எஸ்.ஐ.எஸ் அமைப்புடன் தொடர்புடைய, இஸ்லாமியத் குழுவான தேசிய தவ்ஹீத் ஜமாஅத்தைச் சேர்ந்த ஒன்பது தற்கொலைத் தாக்குதல்தாரிகளால், 2019 ஏப்ரல் 21 அன்று மூன்று கத்தோலிக்க தேவாலயங்களும் மூன்று சொகுசு விடுதிகளும் குறிவைக்கப்பட்டன.
இந்த குண்டுவெடிப்புகளில்11 இந்தியர்கள் உட்பட சுமார் 270 பேர் கொல்லப்பட்டனர் மற்றும் 500-க்கும் மேற்பட்டோர் காயமடைந்தனர்.
உயர் நீதிமன்றில் சவாலுக்கு
செவ்வாயன்று, மூன்று நீதிபதிகள் கொண்ட நீதிமன்றத்தின் விசாரணை அமர்வு, குற்றம் சாட்டப்பட்ட 24 பேரில் 15 பேரை இந்தத் தாக்குதல்களில் ஈடுபட்டதாகக் குற்றவாளிகள் எனக் கண்டறிந்து, அவர்கள் ஒவ்வொருவருக்கும் 200 ஆண்டுகளுக்கும் மேலான சிறைத் தண்டனை விதித்தது.
நீதிபதிகள் நவரத்ன மராசிங்க, ராமநாதன் கண்ணன் மற்றும் சுஜீவ நிஸ்ஸங்க ஆகியோர் அடங்கிய அமர்வு இதுவாகும்.
குற்றம் சாட்டப்பட்ட ஏழு பேருக்காக முன்னிலையான சட்டத்தரணி நீல் மத்துமகே, சம்பந்தப்பட்ட ஆவணங்கள் பெறப்பட்ட பிறகு, தண்டனைத் தீர்ப்புகளும், சிறைத் தண்டனைகளும் உயர் நீதிமன்றில் சவாலுக்கு உட்படுத்தப்படும் என்றார்.
"குற்றம் சாட்டப்பட்டவர்களில் சிலருக்கு சட்டத்தரணி இல்லை, ஆனால் தண்டனை பெற்ற அனைவரின் சார்பாகவும், அவர்கள் மேல்முறையீடு செய்வதற்காக வழக்கு நடவடிக்கைகளின் நகல்களை வழங்குமாறு நான் கேட்டுக்கொண்டேன்," என்று மத்துமகே கூறியுள்ளார்.
ஆரம்பத்தில், குண்டுவெடிப்புகளில் அவர்களின் பங்குக்காக 25 பேர் மீது குற்றம் சாட்டப்பட்டது. குற்றம் சாட்டப்பட்டவர்களில் ஒருவர் இறந்த பிறகு, அக்டோபர் 2021-ல் 24 பேர் மீது குற்றப்பத்திரிகை தாக்கல் செய்யப்பட்டது.
அவர்கள் மீது மொத்தம் 23,270 குற்றச்சாட்டுகள் சுமத்தப்பட்டன, மேலும் அரசுத் தரப்புக்காக 2,309 சாட்சிகள் சாட்சியம் அளித்தனர்.
| செய்திகளை உடனுக்குடன் தெரிந்து கொள்ள IBC தமிழ் WHATSAPP CHANNEL இல் இணைந்து கொள்ளுங்கள்...! |
யாழ்ப்பாணம், வவுனியா, கனடா, Canada, Montreal, Canada
31 Aug, 2015
