அமெரிக்காவுக்கு தெரியாமல் சீனா செய்த காரியம்: திரையை கலைத்த வெளிநாடு
அமெரிக்காவின் (USA) வரி விதிப்பை தவிர்க்க சீன நிறுவனங்கள் தென்கொரியாவின் பெயரில் தங்கள் பொருட்களை அமெரிக்காவிற்கு அனுப்புவதாக சர்வதேச ஊடகங்கள் செய்தி வெளியிட்டுள்ளன.
அமெரிக்க பொருட்கள் மீது பல்வேறு நாடுகள் அதிக வரி விதிப்பதாகவும், அதற்கு பதிலடியாக அந்தந்த நாடுகளில் இருந்து அமெரிக்கா இறக்குமதி செய்யும் பொருட்களுக்கு கூடுதல் வரி விதிக்கப்படும் என அமெரிக்க ஜனாதிபதி டிரம்ப் அறிவித்தார்.
அதன்படி, இந்தியா, சீனா உள்ளிட்ட பல்வேறு நாடுகள் மீது வரிவிதிப்பை நடைமுறைப்படுத்தினார்.
வர்த்தக போர்
இதையடுத்து, பதிலடியாக சீனாவும் அமெரிக்கா மீதான வரியை உயர்த்தியது.
மேலும், அமெரிக்கா அமெரிக்க விமான தயாரிப்பு நிறுவனமான 'போயிங்'கிடம் இருந்து விமானங்கள் வாங்க சீன விமான நிறுவனங்களுக்கு சீனா தடை விதித்தது.
அதனை தொடர்ந்து சீன பொருட்களுக்கான வரியை 245 சதவீதமாக ட்ரம்ப் உயர்த்தினார். இவ்வாறு இரு நாடுகளுக்கு இடையேயான வர்த்தக போர் தீவிரமடைந்தது.
சீனா செய்த செயல்
இந்நிலையில், கூடுதல் வரி விதிப்பை தவிர்க்க, சீன நிறுவனங்கள் தென் கொரியா பெயரில் தங்கள் பொருட்களை அனுப்புவதை தென்கொரியா சுங்க அதிகாரிகள் கண்டறிந்துள்ளனர்.
சீனாவில் தயாரிக்கப்படும் நிறுவனங்களை தென் கொரியாவிற்கு அனுப்பி, அங்கிருந்து "Made in Korea" என்ற பெயரில் அமெரிக்காவிற்கு அனுப்புவதை, தென்கொரியா சுங்க அதிகாரிகள் கண்டறிந்துள்ளனர்.
இந்த ஆண்டின் முதல் காலாண்டில், 20.81 மில்லியன் டொலர் மதிப்புள்ள பொருட்கள் வேறு நாட்டில் தயாரித்து "Made in Korea" என பெயரிடப்பட்டு அனுப்பப்பட்டுள்ளதாகவும், இதில் 97% பொருட்கள் அமெரிக்காவிற்கு அனுப்பப்பட்டுள்ளதாகவும் கொரியா சுங்கத்துறை தெரிவித்துள்ளது.
அத்துடன், கடந்த மார்ச் மாதம், 13.6 மில்லியன் டொலர் மதிப்பிலான கண்காணிப்பு கேமராக்கள், சீனாவில் இருந்து தென் கொரியாவிற்கு கொண்டு வரப்பட்டு அங்கிருந்து, "Made in Korea" என பெயரிடப்பட்டு அமெரிக்காவிற்கு அனுப்பப்பட்டுள்ளது.
கூட்டு விசாரணை
இதன் பின்னர், தென் கொரிய சுங்க அதிகாரிகளுக்கும் அமெரிக்க அதிகாரிகளுக்கிடையேயான கூட்டு விசாரணை முயற்சிகள் குறித்து விவாதிப்பதற்காக ஒரு சந்திப்பு நடைபெற்றுள்ளது.
குறித்த சந்திப்பில், "அமெரிக்காவின் முக்கிய நட்பு நாடாகவும், சுதந்திர வர்த்தக ஒப்பந்தத்தைக் கொண்டதாக உள்ள தென் கொரியாவை, வரிகள் மற்றும் விதிமுறைகளைத் தவிர்ப்பதற்கான வழியாக, சீனா போன்ற நாடுகள் பயன்படுத்த முயற்சிப்பது அதிகரிக்கும் எனவும், ட்ரம்ப் ஆட்சி தொடங்கியதில் இருந்தே சீன நிறுவனங்கள் இந்த செயலில் ஈடுபட்டுள்ளதாகவும்" தென் கொரிய அதிகாரிகள் தெரிவித்துள்ளனர்.
சட்டவிரோதமாக ஏற்றுமதி செய்யப்படும் இந்த முயற்சிகளைத் தடுக்க சிறப்பு குழுவை தென் கொரியா தொடங்கியுள்ளது.
மேலும், உள்நாட்டு நிறுவனங்களைப் பாதுகாக்கும் நடவடிக்கைகளைக் கொண்டு வர திட்டமிட்டுள்ளது.
| செய்திகளை உடனுக்குடன் தெரிந்து கொள்ள IBC தமிழ் WHATSAPP இல் இணைந்து கொள்ளுங்கள்...! |
புங்குடுதீவு 11ம் வட்டாரம், புங்குடுதீவு 8ம் வட்டாரம், Toronto, Canada
21 May, 2024
புங்குடுதீவு 5ம் வட்டாரம், மானிப்பாய், வண்ணார்பண்ணை, Vaughan, Canada
05 Jun, 2025
Kuala Lumpur, Malaysia, மட்டுவில், கிளிநொச்சி, Scarborough, Canada
19 Jun, 2024
கோண்டாவில் கிழக்கு, கொழும்பு, New Jersey, United States, Winnipeg, Canada
28 Mar, 2025
புங்குடுதீவு 11ம் வட்டாரம், London, United Kingdom, அரியாலை
19 May, 2024
வேலணை 4ம் வட்டாரம், Basel-City, Switzerland, Breitenbach, Switzerland
02 Jun, 2025
யாழ் நெடுந்தீவு கிழக்கு, Jaffna, நெடுந்தீவு, வவுனியா, Montreuil, France
31 May, 2025
