SLIIT தனியார் நிறுவனமாக மாற்றியது சட்டவிரோதம் : COPE வெளியிட்ட தகவல்

Sri Lanka Sri Lankan Peoples

By Raghav Jul 14, 2025 10:32 AM GMT

Raghav

in சமூகம்

Report

மகாபொல நிதியத்தின் ஒரு பகுதியாக இருந்த இலங்கை தகவல் தொழில்நுட்ப நிறுவனத்தை (SLIIT) முழுமையாக தனியார் நிறுவனமாக மாற்றுவது சட்டவிரோதமானது என்றும், அதை மீண்டும் மகாபொல நிதியின் கட்டுப்பாட்டில் உள்ள நிறுவனமாக மாற்ற சட்டப்பூர்வ நடவடிக்கைகள் எடுக்கப்பட வேண்டும் என்றும் பொது நிறுவனங்கள் குழு (COPE) பரிந்துரைத்துள்ளது.

அதன்படி, COPE குழுத் தலைவர் வைத்தியர் நிஷாந்த சமரவீர, வர்த்தகம், உணவுப் பாதுகாப்பு மற்றும் கூட்டுறவு மேம்பாட்டு அமைச்சின் செயலாளர் கே.ஏ. விமலேந்திர ராஜா மற்றும் மகாபொல அறக்கட்டளை நிதியத்தின் தலைவர் முன்னாள் உச்ச நீதிமன்ற நீதிபதி விஜித் மலல்கொட ஆகியோர் இது தொடர்பாக தேவையான நடவடிக்கைகளை எடுக்க பரிந்துரைக்கப்பட்டுள்ளனர்.

லலித் அதுலத் முதலி மகாபொல நிதி புலமைப்பரிசில் அறக்கட்டளை நிதியம் அடங்கிய பொது நிறுவனங்கள் குழு, 2022 மற்றும் 2023 ஆண்டுகளுக்கான கணக்காய்வாளர் நாயகத்தின் அறிக்கைகள் மற்றும் தற்போதைய செயல்திறனை ஆய்வு செய்வதற்காக கடந்த 9 ஆம் திகதி கூடியபோது இந்தப் பரிந்துரைகள் செய்யப்பட்டன.

மகாபொல நிதி

2015 ஆம் ஆண்டு அமைச்சரவைத் தீர்மானத்தின்படி செய்யப்பட்ட ஒப்பந்தத்தின்படி அப்போதைய அமைச்சரின் ஒப்புதலுடன் சொத்து கையகப்படுத்தப்பட்ட விதம் சட்டவிரோதமானது என்று விரிவாக விவாதிக்கப்பட்டது.

SLIIT தனியார் நிறுவனமாக மாற்றியது சட்டவிரோதம் : COPE வெளியிட்ட தகவல் | Cope Committee Makes Regarding Sliit

இதற்காக, SLIIT நிறுவனத்தால் மகாபொல நிதிக்கு ரூ.408 மில்லியன் செலுத்தப்பட்டுள்ளதாகவும், நிதியைச் சேர்ந்த ஒரு நிறுவனம் இந்தத் தொகையை நிதிக்கு செலுத்தி உரிமையைப் பெறுவது சிக்கலாக இருப்பதாகவும் உறுப்பினர்கள் சுட்டிக்காட்டினர்.

அதன்படி, எதிர்காலத்தில் இதுபோன்ற சட்டவிரோத மற்றும் மோசடி செயல்களை குற்றவாளிகளுக்கு உரிய தண்டனை வழங்குவதன் மூலம் நிறுத்த வேண்டும் என்று கோப் தலைவர் வலியுறுத்தினார்.