யாழ்ப்பாணத்தில் வந்து குவியும் சுற்றுலாப் பயணிகள்
கொர்டேலியா குரூஸ் கப்பல் சேவையினால் யாழ்ப்பாணத்திற்கு 6000இற்கும் அதிகமான சுற்றுலாப் பயணிகள் வந்துள்ளதாக இந்திய துணைத் தூதரகம் அறிக்கை வெளியிட்டுள்ளது.
மேலும் குறித்த கப்பல் சேவையை ஆரம்பித்து 3 மாத காலப்பகுதிக்குள் காங்கேசன்துறை துறைமுகம் ஊடாக இந்தியாவில் இருந்து யாழ்ப்பாணத்திற்கு வந்த சுற்றுலா பயணிகளே இவ்வாறு அதிகரித்துள்ளதாக குறிப்பிடப்படுகிறது.
கடந்த ஜுன் மாதம் 16ஆம் திகதி தொடக்கத்திலிருந்து அடுத்தடுத்த ஒன்பது பயணங்களின் போது, சுற்றுலாப் பயணிகள் யாழ். நகரத்தில் ஒரு மறக்க முடியாத விடுமுறை அனுபவத்தை பெற்றுக்கொண்டுள்ளனர்.
அதன் வளமான வரலாற்றுடன், யாழ்ப்பாணம் தென்னிந்தியாவுடன் பகிர்ந்து கொள்ளும் கலாசார பிணைப்புகளையும் அனுபவித்துள்ளனர்.
அற்புதமான அனுபவம்
யாழில் உள்ள கடற்கரைகள் மற்றும் கோவில்களின் அற்புதமான அனுபவத்தை சுற்றுலாப் பயணிகள் பெற்றுள்ளதாக தெரிவித்துள்ளனர்.
வட மாகாண சுற்றுலாப் பணியகம் மற்றும் மாவட்ட செயலகத்தின் உதவியுடன் தெல்லிப்பளை பிரதேச செயலகமும் வலி வடக்கு பிரதேச சபையும் இதற்கான ஏற்பாடுகளை செய்திருந்ததது.
மேலும் வட மாகாண ஆளுனரும் முயற்சிகளை ஒருங்கிணைத்துள்ளார்.
இதற்கமைய, இந்த மேம்படுத்தப்பட்ட சுற்றுலாப் பயணிகளின் வருகை இப்பகுதியில் உள்ள உள்ளூர் சமூகத்திற்கும் உதவியது மற்றும் தொழில்முனைவோருக்கு புதிய வழிகளை வழங்கியுள்ளதாக தெரிவிக்கப்பட்டுள்ளது.
நெடுந்தீவு, மானிப்பாய், வளசரவாக்கம், India, பளை, திருநாவற்குளம்
22 Feb, 2026
