அமெரிக்காவுடனான 14 அம்ச வரைவு புரிந்துணர்வு ஒப்பந்தத்தின் விவரங்கள் வெளியீடு

ஈரானுக்கும் - அமெரிக்காவுக்கும் இடையிலான 14 அம்ச வரைவு புரிந்துணர்வு ஒப்பந்தத்தின் விவரங்களை ஈரானிய ஊடகங்கள் வெளியிட்டுள்ளன.

தடைகளைத் தளர்த்துவது, முடக்கப்பட்ட ஈரானிய சொத்துக்கள், புனரமைப்பு உறுதிமொழிகள் மற்றும் எதிர்காலப் பேச்சுவார்த்தைகளின் நோக்கம் ஆகியவை தொடர்பாக முன்னர் தெரிவித்திருந்த அம்சங்களிலிருந்து இந்த ஒப்பந்தத்தில் குறிப்பிடத்தக்க வேறுபாடுகள் இருப்பது தெரியவந்துள்ளது.

இதன்படி அந்த வரைவில் 14 அம்சங்கள் உள்ளன, மேலும் அது சம்பந்தப்பட்ட ஈரானிய அதிகாரிகளின் இறுதி ஆய்வு மற்றும் ஒப்புதலுக்காகக் காத்திருபடபதாக தெரிவிக்கப்படுகிறது.

அமெரிக்காவுடனான ஒப்பந்தத்தின் முக்கிய பகுதிகள் நிறைவு! ஈரான் பகிரங்கம்

அறிக்கையிடப்பட்ட இரண்டு பதிப்பு

அறிக்கையிடப்பட்ட இரண்டு பதிப்புகளும் பல முக்கிய அம்சங்களைப் பகிர்ந்து கொள்கின்றன என்றும் ஆனால் அந்த நோக்கங்கள் எவ்வாறு செயல்படுத்தப்படும் என்பதில் குறிப்பிடத்தக்க வேறுபாடுகள் எழுகின்றன எனவும் கூறப்படுகிறது.

அணுசக்தி பேச்சுவார்த்தைகள் தொடரும் நிலையில், லெபனான் உட்பட தற்போதுள்ள போர் நிறுத்தம் 60 நாட்களுக்கு நீட்டிக்கப்பட்டுள்ளதாக கூறப்படுகிறது.

மாறாக, மெஹ்ரால் வெளியிடப்பட்ட வரைவு, லெபனான் உட்பட அனைத்து முனைகளிலும் "உடனடி மற்றும் நிரந்தர" போர் நிறுத்தத்திற்கும், அதனைத் தொடர்ந்து இறுதி அணுசக்தி ஒப்பந்தத்தை எட்டுவதற்கான 60 நாள் பேச்சுவார்த்தைகளுக்கும் அழைப்பு விடுக்கிறது.

ஹோர்முஸ் நீரிணையை மீண்டும் திறப்பது குறித்தும் இரு தரப்பு அறிக்கைகளும் வேறுபடுகின்றன. சுங்கக் கட்டணங்கள் இன்றி, அந்த முக்கியத்துவம் வாய்ந்த நீர்வழிப்பாதை “உடனடியாக” மீண்டும் திறக்கப்பட்டு, கப்பல் போக்குவரத்து இயல்பு நிலைக்குத் திரும்பும் எனவும் தெரிவிக்கப்படுகிறது.

பற்றி எரியும் கப்பல்: அமெரிக்க தாக்குதலில் இந்தியர்கள் பலி - இந்திய அரசு கடும் சீற்றம்

ஈரான் வெளியிட்ட அறிக்கை

ஈரான் வெளியிட்ட வரைவு அறிக்கையானது, 30 நாட்களுக்குள் ஈரானுடன் ஒருங்கிணைந்து நீரிணையை மீண்டும் திறக்க வேண்டும் என்று குறிப்பிடுகிறது.

கூற்றுப்படி, அமெரிக்கத் தடைகள் தளர்த்தப்படுவது, ஈரான் அந்த ஒப்பந்தத்தைக் கடைப்பிடிப்பதைப் பொறுத்தே அமையும்.

இரு தரப்பு ஒப்பந்தத்தின் முக்கிய அம்சங்கள்: 

• போர் நிறுத்தத்தை முடிவுக்குக் கொண்டுவருவதற்கான முறையான அறிவிப்பு.
• ஒரு விரிவான உடன்படிக்கைக்காகப் பேச்சுவார்த்தை நடத்த 30 நாள் கால அவகாசம்.
• ஹோர்முஸ் ஜலசந்தி வழியாகக் கப்பல் போக்குவரத்தை மீண்டும் தொடங்கிப் பாதுகாத்தல். .
• கப்பல் போக்குவரத்து மீதான ஈரானியக் கட்டுப்பாடுகளைப் படிப்படியாகத் தளர்த்துதல். 
• அமெரிக்கத் தடைகளை நீக்குவதற்கான சாத்தியக்கூறு.
• முடக்கப்பட்ட சில ஈரானியச் சொத்துக்களை விடுவித்தல்.
• யுரேனியம் செறிவூட்டலுக்கு வரம்புகள் அல்லது தற்காலிகத் தடை (அதன் கால அளவு இன்னும் பேச்சுவார்த்தையில் இருப்பதாகக் கூறப்படுகிறது).
• அணு ஆயுதங்களைத் தயாரிக்கப் போவதில்லை என்ற ஈரானின் உறுதிமொழி.
• அணுசக்தி நிலையங்களில் மேம்படுத்தப்பட்ட சர்வதேச ஆய்வுகள்.
• நிலத்தடி அணுசக்தி நிலையங்கள் மீது சாத்தியமான கட்டுப்பாடுகள்.
• விதிமுறைகளுக்கு இணங்குவதை சரிபார்க்கும் வழிமுறைகள்.
• எதிர்காலப் பாதுகாப்பு உத்தரவாதங்கள் தொடர்பான விதிகள்.
• பரந்த பிராந்தியப் பாதுகாப்புப் பிரச்சினைகள் குறித்த கலந்துரையாடல்கள்.
• தீர்க்கப்படாத சர்ச்சைகளை உள்ளடக்கிய தொடர் பேச்சுவார்த்தைகளுக்கான ஒரு கட்டமைப்பு.

உலக சந்தையில் கச்சா எண்ணெய் விலை மீண்டும் வீழ்ச்சி!

பதவி விலகினார் பிரித்தானிய பாதுகாப்பு அமைச்சர்! ஸ்டார்மர் அரசுக்கு பெரும் நெருக்கடி